Saber

“البحر بيضحك ليه
و أنا نازلة أدلع أملا القلل

البحر غضبان مابيضحكش
أصل الحكاية ماتضحكش
البحر جرحه مابيدبلش
و جرحنا ولا عمره دبل

و البحر بيضحك ليه
و أنا نازلة أدلع أملا القلل

مساكين بنضحك م البلوه
زي الديوك و الروح حلوه
سارقاهام السكين حموه
ولسه جوه القلب أمل !

و البحر بيضحك ليه
و أنا نازلة أدلع أملا القلل

قللنا فخارها قناوي
بتقول حكاوي و غناوي
يا قلة الذل أنا ناوي
ما أشرب و لو في الميّه عسل

و البحر بيضحك ليه
و أنا نازلة أدلع أملا القلل

ياما ملينا و ملينا
لغيرنا .. و عشطنا ساقينا
صابرين و بحر ما يروينا
شايلين بدال العلّة علل

و البحر بيضحك ليه
و أنا نازلة أدلع أملا القلل

في بالي ياما و على بالي
و اللي بيعشق ما يبالي
مايهمنيش من عزالي
يا حلوة لو مرسالي وصل

و البحر بيضحك ليه
و أنا نازلة أدلع أملا القلل

بيني و بينك سور ورا سور
و أنا لا مارد و لا عصفور
في ايدي ناي و الناي مكسور
و صبحت أنا في العشق مثل

و البحر بيضحك ليه
و أنا نازلة أدلع أملا القلل”
― نجيب سرور, منين أجيب ناس

“العلمانية ليست إلحاداً .. العلمانية تعني (فصل السلطة السياسية عن السلطة الدينية) وليس حتى فصل السياسة عن الدين”
― نصر حامد أبو زيد

“ملعون في دين الرحمن... من يسجن شعباً.. من يخنق فكراً.. من يرفع سوطاً.. من يُسكت رأياً.. من يبني سجناً.. من يرفع رايات الطغيان.. ملعون في كل الأديان.. من يُهدر حق الإنسان.. حتى لو صلّى أو زكّى وعاش العُمرَ مع القرآن”
― جمال الدين الأفغاني

“حبه هوا
طيروا الورق كله
يلا مش مهم
هو ايه اللي كان في الورق
أحلي م الهوا”
― وليد طاهر, حبة هوا...