Ahmad

“ في علاقتي بالآخرين أحب على الدوام أن يظلوا آخرين”
― محمد عفيفي

“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ….
واحضنوا الحاجه بـضمير..
دا اللي فاضل مش كتير ….
اللي فاضل..
مش كتير”
― مصطفى إبراهيم, ويسترن يونيون فرع الهرم

“لو دامت فى إيد غيرك ..
مكنتش وصلتلك ..
حصلت لميت واحد ..
زى أما حصلتلك ..
علشان كدة بزعل ..
لكن مبتأزمش ..
و ساعات كتير بفرح ..
لكن ما بتعَشّمش ..
ف حاجات ما بتدوّمش ..
الدنيا سوق كانتو ..
مفيهوش حاجات زيرو ..
و زبونه أنا و انتوا ..
علشان مفيش غيره ..
و انتا زبون عادى ..
ف مفيش حاجات مخصوص ..
و مفيش قميص واحد ..
فى الدنيا مش ملبوس ..
ميت مرة من قبلك ..
كل اللى هيقابلك ..
كان ماضى و اتسابلك ..
حتى الصحاب و الصيت ..
حتى الكلام الحلو ..
كله كدة يا عبيط ..
ماشى بنفس السلو ..
نظرتها ليك حتى ..
ساعة ما بصتلك ..
لو دامت لعين غيرك ..
مكنتش وصلتلك ..”
― مصطفى إبراهيم, ويسترن يونيون فرع الهرم

“البنت اللي عينيها دبلانة
بتفرح بهدوء
وبتحزن بشياكة
وبتبقى قاصدة كل بصة
وبتبقى صادقة
وبتسيبك تغيب براحتك
وبتستقبلك لو رجعت ف أي لحظة
بعيونها الدبلانين”
― عمر طاهر, عرفوه بالحزن