Boge

“لو طبّوا بكره اليهود يا مصر وخدوكي
والله ما هايشيلوا من فوق الكراسى حد
هايلاقوا مين يحكمك غير اللى باعوكى ؟
مفروشه ليهم وقدم سبت تلقى الحد ؟

كل الحكايه يهود فى يهود
لا تقولى قبطى ولا مسلم
وموشى كان من قبله داوود
وليه نموت ولا نتعلم !”
― نجيب سرور, أميات نجيب سرور

“أنا لما بافرح
بحكى للدنيا كلها
حتى لطوب الأرض
واحزن.. أخبى
واسكت كأنى
عمرى ما عرفت الكلام”
― علي سلامة

“عيني عليه ساعة القضا
من غير رفاقة تودعه
يطلع أنينه في الفضا
يزعق ولا مين يسمعه
يمكن صرخ من الألم
من لسعة النار في الحشا
يمكن ضحك او ابتسم
أوارتعش أو انتشى
يمكن لفظ آخر نفس
كلمة وداع
لأجل الجياع
يمكن وصية
للي حاضنين القضية
في الصراع
صور كتير ملو الخيال
لكن أكيد أكيد ولا جدال
جيفارا مات ، موتة رجال”
― أحمد فؤاد نجم

“إقرأ يا شيخ قفاعه
جرنان آخر سـاعه
شوف الدوله الشماعه
فاتحه للموت دكاكين
مليانه معتقلين
بتسميهم مجانين
شوف العلما المساجين
وعباقره ومدفونين
والشعرا المدبوحين
وألوف الفنانين
واولادنا المخطوفين
فى السجن بنات وبنين
واتفرج ع الزنازين
عمال على فلاحين
ماتقولـش علب سردين
والطلبه المصلوبين
حتى ولادنا الظباط
ميهمش جيش وبوليس
متاخدين تحت الباط
لقضاهم فى الكواليس”
― نجيب سرور, أميات نجيب سرور