Mohamed Khaled

“المرة الجاية هموت واقف
دمي من طلق القناصة لساه نازف
مضرب برصاصة غدر بعيدة ماتوجعشي
وصاحبها جبان لو وشه يبان هيبان خايف
مرعوب في طبنجة فيها حوالي كام طلقة
هتموت كام ؟! .. هتموت واحد او 50 واحد ليهم تار؟!!
لو فاكر برصاص الدنيا هتموت شعب .. يبقى انت حمار
بتجرر عربية السادة خطوة زيادة بخطوة زيادة ولحد النار
ولحد ما تلقى في زنزانتك دونا عن اي مكان في الكون .. رحمة وبراح

المرة الجاية هموت ساكت علشان ترتاح
فاكر في الكنبة الملعونة راح تلقى حياة ...
وا معتصماه
عينك بتعيط على مشهد في مسلسل تركي بقاله كتير
وفي اخر السهرة تقول بضمير اللعنة على ولاد التحرير
ماهو دول لو كانوا محترمين كانوا هيباتوا في بيوتهم
يتدفوا بماج كاكاو في الليل
ويمصمص في شفايفه بحسرة
لو يبقى وطنا في لحظة جميل ...
ويهون امانيه على نفسه باحساس زايف ... انه مشارك
بفلوسه لأطفال مقديشيو وبصوته للقدس وسوريا
وينام في سريره ويطمن على نور الشمس في ايد مجهول

المرة الجاية هموت مسحول
لاحس في الأرض واسفلته
عريان من بطش ضابط مأجور
متحامي في جنده وسفالته
بيجيب الثاير من شعره
ويهين الصامت في مشاعره
والكف المرفوع فوق سينا بعلامة النصر
مرفوع في وشوشنا بالوسطى

المرة الجاية هموت على وطنى بدون واسطة
ما العايش راضي بشكل صريح ...
لهبات العيلة اللي بتحكم والعضمة المرمية في بقه
والميت رابض على حقه وحق التانيين

المرة الجاية هموت من الغيظ
ساعة ماتصرح فوق الجثة بضبط النفس ...
بتجيبوا برودة دم منين ؟!!
ساعة ما بتبكوا على مبنى
على ريس فاسد ليه سابنا
ساعة ما تبان انياب الخلق
من شيخ مسبحته كراسي السلطة وقوانينها
على كام قسيس قال وانا مالي ...

المرة الجاية هموت وبطاقتي ماهيش في الجيب
علشان تحتاروا في جنازتي تخرج من مسجد او من دير
فتلفوا الجثة بالأعلام
والخلق بتخرج وتعزي افواج افواج
اكتر ما هيطلع يوم ما يموت ريس سابق
او حتى مشير ...
عارف يا جنابه يوم ماتموت..
الناس هتكون في عذاب من الامر
والجند هيصرف بدالاته في اخر المعزى ..
زي المقرىء ساعة ما هيختم بالقراءن
هيقولوا القادة ما حفظوناش
وتلاقي تعازي في الجرنال
تدعي بالجنة للمرحوم
لكن ملايين اللي اتظلموا
لفين القوت اللي بياكلوه في ورقة جرنال
والزيت السخن على الصورة
فتافيت الأكل على الآية
وبواقي اللقمة على الجنة
في قلوبهم يتمنولك نار

المرة الجاية هموت من العار
علشان لساني قاعد اكتب وانت لساك قاعد تقرا
والشارع بيموت قدامنا ....”
― هيثم دبور

“ثم نسيوا

ثم كانت مرة مصر
اللي شافت ألف نصر
هي شمس ف كل عصر
ثم علمي ثم نهري
***

ثم زعلت
ثم حزنت
ثم راحت
بس رجعت
***

ثم خافت من الأعادي
ثم قالت فين ولادي؟
ثم قلنا في فساد
فيكي ظلم للعباد
ثم زاد الظلم حبة
ثم راحت المحبة
والفساد؟
برضه زاد .. ثم زاد .. ثم زاد
***

ثم جيت للقرب طالبة
انتي كارهة ولا حابة
ثم حبسوا صوتنا فيكي
ثم زاد الخوف عليكي
ثم دوبنا شوق إليكي
***

ثم قامت مرة ثورة
ثم قالوا دي مؤامرة
ثم قالوا بلدنا حرة
ثم خانوا .. ألف مرة
ثم قالوا .. ثم نسيوا
ثم عادوا .. ورجعوا نسيوا
ثم كدبوا .. ثم كدبوا.. ثم كدبوا
***

ثم ننكر .. ثم نرجع تاني نكدب..
ثم اثبت .. ثم أرجع
ثم حقك .. ثم حقي
ثم فاكر؟ .. ولا ناسي..
ثم عقلي مش في راسي..
ثم ضاع في الزحمة حلمي..
ثم لسة عاوزها سلمي..
ثم سال لوطنا دمي..
ثم نسيوا .. ثم نسيوا .. ثم نسيوا..
***

ثم غيرة..ثم حيرة
ثم فين الحق فين؟
ثم قسم ثم فرق
زي نهج المعتدين
ثم فوقنا
ثم روحنا
للمكان الأولاني
ثم أصبح لما كانوا
ثم نسيوا ونسيوا تاني
***

ثم أصحى .. ثم فوق
ثم إهدى .. ثم روق
ثم حط مصر فوق
مصر عالية
مصر مش سلعة في سوق

ثم دمك يا شهيد
ثم نسرك يا عميد
ثم ليه قاعد مكانك؟
ثم ليه ناسي وبعيد؟
ثم ليه تكتيفة ميري؟
ثم ليه حقي لغيري؟
ثم ليه حالف مردش؟
ثم نازل من جديد
***

ثم عزمي من حديد
ثم شمسي راح تقيد
م القناطر للصعيد
ثم حلمك هو حلمي
ثم دمك هو دمي
حتى أمك هي أمي
هو ده عهد الشهيد
مصر دولة مش عبيد”
― هديل عبد السلام, شاي بلبن

“To be known. To be heard. To have one’s unique identity recognized and seen as worthy. It was a universal human desire, I thought, as true for nations and peoples as it was for individuals.”
― Barack Obama, A Promised Land

“- فاكر أنا كنت عاملة ازاي؟
- أنا مش فاكر أي حاجة غير إنك كنتي عاملة ازاي.”
― أحمد مراد, الفيل الأزرق