Mohamed yasser

“اثنانِ

كَانا اثنينِ
يَمشيانِ معًا
في الشوارعِ المَهجُورة
منهُ تفوحُ رائحةُ التبغ
ومنها تتساقطُ أوراقُ الليمون
وعندَ المُنعطف
كنجمتينِ
سَقطا

كانا اثنين
أحدهُما يُغنِّي
والآخرُ يُحبُّ الإصغَاء
فجأة، توقفَ عن هذا
وتوقفت عن ذاك
عندما انكسَر المِزمَار

كَانا اثنينِ
أهدتهُ قلمًا للكتابة
وأهداها حِذاءً خفيفًا للنزهات
بالقلم كتبَ لهَا: “وداعًا”
وبالحِذاءِ الخفِيف، جَاءت لتوَدِّعُه”
― رياض الصالح الحسين

“طوبى لمن كان همه هما واحدا، ولم يُشغل قلبه بما رأت عيناه وسمعت أذناه. ومن عرف الله فإنه يزهد في كل شيء يشغله عنه.”
― نجيب محفوظ

“اتكلموا.. اتكلموا.. اتكلموا..
محلا الكلام، ما ألزمه وما أعظمه.
في البدء كانت كلمة الرب الإله،
خلقت حياه، والخلق منها اتعلموا..
فاتكلموا
في البدء كانت كلمة الرب الإله
روح بجناحين شطار،وصار للكون مداه.
آخر مطافها، جت وحطت ع الشفاه،
لما البشر ملكوا الوجود، واستحكموا..
فاتكلموا
الكلمه إيد، الكلمه رجل، الكلمه باب،
الكلمه نجمه كهربيه في الضباب
الكلمه كوبري صلب فوق بحر العباب،
الجن يا أحباب، ما يقدر يهدمه..
فاتكلموا
الرمل مرمي تحت قبة السما،
مشتاق لقطره من المطر فيها النما،
ملايين سنين عمره ماداقها، إنما
فيه كلمه تقدر في المراوي تِعَوِّمُه..
فاتكلموا
فيه كلمه تقدر تزرع البور حور ضليل،
وكلمه تقدر تجعل الكوخ بيت جميل،
وابو العيال والجلابيه الهلاهيل،
فيه كلمه تعطيه مال، وكلمه تِهنْدِمُه..
فاتكلموا
لكم السلام، يا ملفوفين حول اللهب،
يا غواصين في القلب ع الكلمه العجب،
في البدء كانت كلمة الرحمن سبب
وما عادش غير الحق كلمه تِتَمِّمه..
فاتكلموا”
― صلاح جاهين

“لو دامت فى إيد غيرك ..
مكنتش وصلتلك ..
حصلت لميت واحد ..
زى أما حصلتلك ..
علشان كدة بزعل ..
لكن مبتأزمش ..
و ساعات كتير بفرح ..
لكن ما بتعَشّمش ..
ف حاجات ما بتدوّمش ..
الدنيا سوق كانتو ..
مفيهوش حاجات زيرو ..
و زبونه أنا و انتوا ..
علشان مفيش غيره ..
و انتا زبون عادى ..
ف مفيش حاجات مخصوص ..
و مفيش قميص واحد ..
فى الدنيا مش ملبوس ..
ميت مرة من قبلك ..
كل اللى هيقابلك ..
كان ماضى و اتسابلك ..
حتى الصحاب و الصيت ..
حتى الكلام الحلو ..
كله كدة يا عبيط ..
ماشى بنفس السلو ..
نظرتها ليك حتى ..
ساعة ما بصتلك ..
لو دامت لعين غيرك ..
مكنتش وصلتلك ..”
― مصطفى إبراهيم, ويسترن يونيون فرع الهرم