11 ratings (4.45 avg)
5 reviews

Doaa Hammam

Add friend

https://www.goodreads.com/doaahammam

Doaa’s Bookshelves

to-read‎ (12)

currently-reading‎ (0)

read‎ (14)

تاريخي‎ (0)

Stats | More…

“مصر يا مه يا سفينه
مهما كان البحر عاتي
فلاحينك ملاحينك
يزعقوا للريح يواتي
اللي ع الدفه صنايعي
واللي ع المجداف زناتي
واللي فوق الصاري كاشف
كل ماضي وكل آتي
عقدتين والتالته تابته
تركبي الموجه العفيه
توصلي برالسلامة”
― أحمد فؤاد نجم, أحمد فؤاد نجم: الأعمال الشعرية الكاملة

39 likes

“بكرة لما قمركو يطلع

والشمس تطلع

ونهاركو يطلع

حيقولوا كان في المكان دا ناس

فيهم طيابه

وفيهم حماس

وكانوا آخر الامر

ناس

وكان زمانهم سجون

وكانوا

مابين سجونه وأمريكانه

وبين ضباب الطريق حيارى

ماحد قادر يشوف مكانه

حتقولوا كانوا

وياما كانوا

وياما شربوا

وياما عانوا

وياما جالهم

وياما جيلهم دفع

وكان التمن أمانه

وياما ناس فى المسيره

مشيت

وناس ف نص المسيره خانوا

حتقولوا كانوا

أو ياما كانوا

لكن ح يبقى فى الأمر حاجه

إن اللى عربد

ما سابش حاجه

وساب كلابه

على كل حاجه

تهبش وتنهش

فى كل حاجه

ماقدرش يقتل فى اى حاجه

روح التفاؤل

بكل حاجه
_____________
القاهرة 1973”
― أحمد فؤاد نجم, أحمد فؤاد نجم: الأعمال الشعرية الكاملة

52 likes

“يا شغالين ومحرومين
يا مسلسلين رجلين وراس
خلاص خلاص
ما لكوش خلاص
غير بالبنادق والرصاص
دا منطق العصر السعيد
عصر الزنوج والأمريكان
الكلمه للنار والحديد
والعدل أخرس أو جبان
صرخة جيفار يا عبيد
في أي موطن أو مكان
ما فيش بديل
ما فيش مناص
يا تجهزوا جيش الخلاص
يا تقولوا ع العالم خلاص”
― أحمد فؤاد نجم, أحمد فؤاد نجم: الأعمال الشعرية الكاملة

41 likes

“يا اسكندريه
بحرك عجايب
يا ريت ينوبني م الحب نايب
تحدفني موجه
على صدر موجه
والبحر هوجه
والصيد مطايب
أغسل هدومي
وانشر همومي
على شمس طالعه
وانا فيها دايب”
― أحمد فؤاد نجم, أحمد فؤاد نجم: الأعمال الشعرية الكاملة

50 likes