Mahmoud Baseoney

“لا أخجل من استخدام العاميه فهي اللهجه -او اللغة ان جاز التعبير- التى افكر بها، و ان خجلت منها يوما او اعتذرت عنها فلأخجل من افكارى و لأعتذر عن عقلى اذا !”
― Huda Aweys

“أنا موش ضلع أعوج
أنا ضلع جميل مزخرف
، و الرسول لما قالها
ما كانش قاصد يوم يهيننى
، دا كان طول عمره بيحترمنى
لكن قالها عشانك انت
عشان ما تفهم انى غيرك ،
و سواء فهمت و لا لأه فالحقيقه إنى غيرك
و دى ابدا موش حاجه وحشه ،
دى بس معناها انى غيرك !
***
.. ممكن أكون أحسن .. أو أسوأ
ممكن أكون أندل أو
أجدع من ميت واحد من صحابك
، و ممكن أكون تعبان و عقرب
، و أغدر بيك و آخد خلاصك
..
أنا أصلي زيي زيك .. عند ربك
انت واحد و انا واحد
، موش مفرق إلا روحنا
نور جواها و لا ضلمه ،
موش مفرق غير عقولنا
.. جهل جواها و حجارة
، و لا علم و نور حضارة
.. موش مفرق غير عملنا
وخير و شر بإيدنا نكسب
.. موش مفرق غير لساننا
و كلمة الحق اللى تطلع
..
ضلع أعوج موش شتيمه
فى الحقيقه
... دى بس معناها انى غيرك
...”
― Huda Aweys, الصوت روح

“لو بتخاف من العيال المُفكِسة
ليتهموك بالإيمان و الدروشة
طفي النور
، و لو في يوم سمعت صوت .. ماهوش طريقتك !
ما تعديهوش جوه روحك .. جوه فكرك
.. أو عواطفك ،
و إلا هتكون مشكلة ! .. طفي النور ،
.. هيقولوا طاقق بيرجعنا للقرون المهلكة
هيقولوا باين راح و داس مع دراويش السيدة
***
طفي النور
***
ما انتاش قد الكلام .. ما انتاش قد السكوت
ما انتاش قد الشهادة ، طفي النور ، دي الحقيقة متعبة
.. و رسولها دايما مستباح ،
.. فلو قد النور .. ادخل عوالمه
و كون
و لو موش ..
طفي النور”
― Huda Aweys, الصوت روح

“و سأظل أكتب نكاية في كــــــــــــــــــــــــــــــــــــــــــل البشر :) فنكاية الجرح رغم كونها مؤلمة الا انها كثيرا ما تلفت نظر صاحب الجرح السابت في غفوة الى جرحه ، فيهرع الى مداواته من قبل ان يسمم روحه و افكاره و ضميره”
― Huda Aweys