Hebat Allah Ibrahim

“زي ما الفنان عليه مسؤلية قصاد الجمهور، كذلك الناقد.. الناقد عليه المسؤلية الأكبر إنه يرتقى بفكر المتلقي بالنقد اللي بيكتبه.. بإيده يحول العمليه الفنية لحلبة ردح أو يحولها لساحة نقاش وتوعية تقدر تقدم لصناع العمل نصيحة تفتح ذهنهم وتخليهم يفكروا في السلبيات اللي وقعوا فيها ومحاولة تفاديها مستقبلا، وكذلك طرح النقد قصاد الجمهور اللي زي ما بيتلقي الفن بيقدر يتلقى النقد، والنقد يقدر يرتقي بفكر ووعي الجمهور وميحولهوش لجمهور رداح برضه مش قادر يميز ما بين إن العمل الفني فيه سلبيات نقدر ننتقدها بإحترام خصوصا إن العمليه الإبداعية مكونة من عناصر كتير منقدرش نحصرها في عنصر أو أكتر مش عجبك في العمل الفني وتهد مجهود وقيمة بقيت العناصر والناس بنقدك السلبي اللي بيكسر مبيبنيش وبيولد عند صناع العمل حالة من العِند والتمادي في الدفاع عن الأخطاء، محدش بيكسب من وراها أي شيء.. الناقد جزء مهم من العمل الفني ولازم يكون أرقى ما فيه لانه عامل أساسي من عوامل العملية الإبداعية ولازم يكون قد المسؤلية دي. وشكرا لكل ناقد بيقدم للجمهور كلمة ترقى بفكرهم وتخليهم يشوفوا العمل الفني بعين واعية ويقدر يفتح المجال قصاد الكل للتفكير والتأمل في كل عناصر العمل الفني بشكل فيه فهم ورقي.”
― هبة النيل