Dina

“اضرب عليا انا مش جارى يا قناص

من امتى خوفنا يابن الكلب ضرب رصاص

كل اللى شاف الشهيد بأة تاره تاره الخاص

الدم صاحى و عنيد و لا تقبلوش تربه

……….

يا شعب ياللى دفع تمن الشوارع دم

احفظ اسامى اللى ماتوا فى الشوارع صم

الشارع اللى اصطفى و قصر الامارة لم

ملوك قليلة الرباية ركبوا و اتركبوا

…………….

شعب بغزالة اتخنق قلب التاريخ فى يومين

لابس عباية جحا و هو صلاح الدين

بيكرم الانبيا و يهزق السلاطين

و الفجر خيله و حبات الرمال عربه

……..

يا شعب مصر

اكم فرعون و فرعونة ضربتوهم ضرب سجادة فى بلكونة

ضرب الملوك تربية صالحة و مضمونة

ما يبقوا بنى ادمين الا اذا اتضربوا

ضرب الملوك مصلحة

ضرب الملوك تأديب

محلى المماليك و هى بتجرى فى السراديب

و لولا ضرب شجرة الدر بالقباقيب

ما بين اغا و باش اغا

كانوا التتار غلبوا

…….”
― تميم البرغوثي

“‎أين الرجال من النساء؟

يظل جسد المرأة في حالة تضخم مستمرة و متزايدة علي مدي تسعة أشهر دول هلع , و إذا تورم ضرس الرجل (يخرب الدنيا) , تنزف المرأة لمدة خمسة أيام كل شهر دون هلع , و إذا (لعب الراجل في مناخيره بمنديل و لقي نقطة دم يخرب الدنيا) ,

تخرج المرأة من جسدها إنسانا كاملا (أيدين و رجلين و وش و رقبة) في مشهد يراه معظمنا كوميديا , بينما إذا أصيب الرجل ( بحتة إمساك) تستحيل حياته إلي جحيم بسبب قطعة متحجرة من الفضلات و لا يقوي علي إخراجها , تصاب المرأة بعشرات الصدمات العاطفية و لا ينتحر إثر صدمة عاطفية سوي الرجال,

تصاب النساء بمئات الإحباطات ولا يكتئب سوي الرجال بسبب إحباط عابر في العمل, يجثم المجتمع فوق أنفاس المرأة و مع ذلك فالرجال بس هما اللي مصابين بكرشة نفس.

اكتشفت أنني أضعف مما أتخيل و أعتقد أن معظم الرجال يفكرون بالطريقة نفسها فهم موسوسون و يخافون علي أنفسهم بشدة , أما النساء - و الشهادة لله - فهن أفضل من اتبع قاعدة (خليها علي الله) , هن الأقرب إلي الله , هن اللواتي علمننا الصلاة و ليسوا آبائنا.”
― عمر طاهر , رصف مصر

“يا شعب ياللى دفع تمن الشوارع دم
احفظ اسامى اللى ماتوا فى الشوارع صم”
― تميم البرغوثي