Status Updates From المسحراتي

العود بيتمايل وربك شاء
كل الخلايق في الأمل عشاق
..
من الظلام للضي
ومن العطش في الري
من ألف حي وحي
من ألف عام وانا عايش
في الزمان الجاي.

تبقى لي يا مسعدي يا فن تبقى لي
وربنا يمد لك في ايامي وحبالي
واكتب كتاب فلسفة في الشاي ابو النعناع
وفي طلعة الفجر والدنيا اللي في بالي

يارب من رحمتك مكنت للانسان
يغير الضلمة أما النور ميتغيرش

فيه شعورين دايمين بحسهم مع فؤاد حداد

الأولاني: بكره ذاكرتي السمكة اني مبعرفش احفظ الحاجات اللي بتعجبني، ولو ان ليها ميزة اني لما اقرا الديوان تاني بعد سنه برجع انبهر من اول وجديد.

التاني: رغم اني قارئ صامت، الا انه دايما برضوا بيجبرني اقرا بجهورية عشان استمتع بالموسيقى المميزة اللي بيعملها بمنتهى السلاسة أو أنه يخرج الملحن اللي جوايا بمواويله اللي بتنقلني لمولد في الفلاحين.

لو تسأل الليل يقول لك راضي بالمقسوم
والقله في الفجر حتقول لك عن الماء صوم
واحنا عرب كلنا أصحاب طرب مقسوم
حلوين على كل حال لكن سوا أحلى

‏أنا بلدي حره بنيت على غصنها عشّى