Status Updates From It's Not That Complicated: ...

Sobrang funny! Grabe HAHAHAHA

Siguro, ganito talaga ang buhay. May mga taong dumarating at umaalis nang walang paalam. Hindi mo alam kung sa'n nanggaling at sa'n papunta. Siguro, sa lansangan ng pag-ibig, sapat na yung minsan ay nakasabay o nakasalubong mo ang isang tao sa daan, pasalamat na lang at kahit minsan, nagtapat o nagpantay din ang inyong hakbang.

"Kung babalikan pa kayo ng asawa nyo, tatangapin nyo pa?"
Nagkibit-balikat siya. "Mas mabuting hindi na lang siya bumalik. Baka kung ano pa ang magawa ko sa kanya."
"Papatayin nyo siya?"
"Hindi, baka tanggapin ko siya," tawa siya uli. Sunod-sunod ang laklak niya sa bote ng alak.

Kung pinilit ko siyang mag-stay para maging masaya ako pero hindi naman siya masaya, hindi rin ako magiging masaya. Kung masaya siya na malaya siya at masaya ako na masaya siya, teka uli... ultimately, ako ang sumaya sa lahat ng ito? Dapat akong maging masaya! Bakit ako hindi masaya? Masaya ba ako o may sayad na?

Dati naman akong okay nung wala pa siya. Dapat okay pa rin ako kahit wala na siya.

"Akala ko pa naman qualified ako. 'Yun pala, filler, Ma'am Tina,"
"Let's just say, hindi para sa iyo ang exam na 'yun, and I can see potentials in you, the problem is, yung potential mo, hindi mo alam. Kaya ni-recommend kita sa creative, you can see things on different perspectives, you can think out of the box."
Compliment ba yun o alaska? Hindi kaya euphemism yun ni Tina na may sayad ako?