Status Updates From Rail Ki Seeti / ریل کی سیٹی

شام، شہر میں آنے سے پہلے ان درگاہوں پر اترتی ہے، شاہدولہ دریائی پہ چوکیاں بھری جاتی ہیں، حافظ حیات کے مرقد پہ پانی کا چھرکاؤ ہوتا ہے اور کانوں والی سرکار پہ اگر بتیاں جلائی جاتی ہیں۔ کچی پکی اینٹوں پہ بھری آنکھوں اور خالی دامن والے پراُ مید ضرورت مند، جوق در جوق آتے ہیں۔ یہ غرض مند کہیں جنگلے سے جُر کر یا کسی چوکھٹ سے لگ کر، آس کے دیئے جلاتے ہیں، احترام کے پھول چڑھاتے ہیں اور نذر نیاز دے کر رخصت ہو جاتے ہیں۔