Status Updates From السفر فى الزمان الكونى

عالم الفيزياء النظرية من دول يبقى عمره ما شاف ثقب أسود ويقعد يحسب في معادلات يستنتج منها شكل الثقب وجواه ايه وبراه ايه وبيطلع اشعاع ولا لأ وكلام كتيير

عام 1928 قام طالب هندي في الـ 19 من عمره باكتشاف الاقزام البيضاء بالمعادلات الرياضية اثناء توجهه لانجلترا لدراسة لدرجة الدكتوراة :D

الفيزياء النظرية غريبة جداً

عالم الرياضيات جاوس توصل للكثير من الاكتشافات والنظريات الرياضية ولكنه لم يهتم بنشر ابحاثه لأن على حد قوله كان يخشى ألا يفهمها من هم دونه في المستوى وغيرهم من عامة الناس، ولمثل هؤلاء الناس صوت عال وضجيج مرتفع، وقد يهاجمونه ويتحدون ضده بسبب عدم فهمهم لنظرياته

تم بحمد الله

بعد حوالى 4 شهور من قراءة كتاب السفر فى الزمان الكونى خلصته أمبرح . . .
فعلا فى اخر كام صفحة كنت بقرأ ببطء و نفسى الكتاب ميخلصش . . .
زى ما يكون من كتر العشرة كل الشهور دى عملت رابطة نفسية مع الكتاب . .
كتاب رائع لمن يمتلك الاهتمام لمعرفة هذه المعلومات .

الكتاب فى اجزاؤه الاخيرة ممتع و التطويل المط اصبح اقل بكثير

بدأت أشعر مع هذه المعلومات المتغيرة بشكل كبيرو المفاجات الغير متوقعة فى سلوك الثقوب السوداء لماذا يصبح الانسان متواضعها كلما زاد علمه ... لأنه كلما زاد علمه فى الغالب شيكتشف ان ما كان يعتقده سابقا خاطئ .. مما يعطى الانسان حذر و تواضع دائما فى اراءه و هذا ما يميز العلماء المتوغلين فى العلوم

شوية معلومات عن النجوم و عن انواعها .. معلومات مدهشة كالعادة .. زى مثلا ان النجم النيوترونى لو حفنة منه بحجم ملعقة شاى تزن مئات الاطنان لكثافته العالية جدااا .. سبحان الله

دماغى قربت تجيب جاز من الشابتر بتاع تعريف الزمن دا .. هى الفكرة انى مش عارف دا مشكلة فى الكتاب ولا عباء من الاخرين.

الفكرة كلها ان الواحد يقدر يتصور شكل تخيلى لمنظومة الزمكان اللى الشابتر بيتكلم عليها و ان الزمن لوحده ملوش معنى و الفضاء لوحده ملوش معنى و الاتنين منظومة واحدة مترابطة

دخلت دلوقتى على شابتر جديد .. بيطرح سؤال بسيط جدا " ماهو الزمن ؟ " و بتناول غموض و صعوبة الاجابات المتاحة .
من زمان كان نفسى اعرف ايه التعريفات العلمية للزمن .. هو حركة عقارب الساعة ولا حاجة تانية .
الخلاصة فى اول صفحات الشابتر ان الزمن فيه منه زمن نفسانى و دا اللى عقل الانسان بيحس بيه و دا زمن ذاتى لكل انسان لا يمكن قياسه .. و فى الزمن بتاع الساعات بقى .
و بعدها بياخد جولة فى تاريخ صنع الساعات و اكتشاف التقويمات.

وصلت دلوقتى لجزء بيتكلم عن انحناء الفضاء المحلى و انحناء الفضاء العام .. مش فاهمها بشكل كبير بس احلى حاجة فيها انها بتحفز بقسوة حاسة التخيل عندى بحيث انى بحاول اتخيل الحاجات دى .. فا دى بيساعد على تنمية حاسة التخيل

الكتاب فى اوله فيه شوية حاجات كل شوية تتقال بطريقة وبعدين تتقال بطريقة تانية .. بس اللى فهمته ان دا عشان لسه فى مقدمة الكتاب فا مفيش شرح وافى لكل نقطة و بيكتب انه حيزكرها فى شابتر منفصل بالتفصيل ..

حالياً دخل على موضوع الفضاء المنحنى و الهندسى الاقليدية و الهندسة الغير اقليدية بتاعة الاسطح المحدبة و المقعرة ،، و بيتكلم عن علماء الهندسة اللى اكتشفوا هندسة الاسطح المحدبة و المقعرة و انا استفدت انى عرفت عنهم

بدأت فى الفصل الاول اللى بيتكلم ن افتراضات عامة و نظرة عامة على موضوعات الكتاب .

بعدها بدأ يتكلم على الثقوب السوداء ، وبعد ما كان فى الاول بيقول ان المعادلات توجب تحرك جسم بسرعة أعلى من الضوء للمرور فى الثقب الاسود ،، نكتشف فى مرحلة لاحقة من الفصل ان الثقوب السوداء 4 أنواع ، منها بعض الأنواع التى تقول المعادلات ان الاجسام يمكن ان تمر منها بسرعة أقل من سرعة الضوء .