Ghadah Algarni > Recent Status Updates

والله شئ مؤللم جدا إن انتشر عندنا الكتاب!! تدرون ليش؟ لانه حرفيا كلامه كله تربينا عليه وبأدله واحاديث وقصص مثبته 100% بينما هنا الكاتب مسيحي يتكلم بطريقة يقنع فيها الغربيين المسيحين الي اليوم اهملوا دينهم فيقنعهم بقصص واساطير والفن ومقولات من القديس بطرس وكلها في الاخير مو استدلالات قويه وموثوقه يعني يقول يسوع يحب الجميع سواسيه لكذا لا تفكر إنك مهمل لان ما عندك مكانة!! بينما تعلمنا ان الله ارحم عالعبد من امه بأدله!

ملاحظات كثيره عالكاتب! بما إني سعوديه فأنا اشوف بنظرتي من سعوديه لسعودي وخصوصا هو من جيل قديم المفترض دارس الدراسات الاسلاميه بشكل مكثف! في النصيحة 217 يقول(كن لطيفا مع النساء فالمرأة اخرجت ادم من الجنة تستطيع أن تعيده اليها بضمة واحدة) اولاً النصارى الي يؤمنون إن حواء اخرجت آدم من الجنة وليس المسلمون من وين جبت ذي المعلومه!! ثانيا على اي اساس قرر الكاتب انه بيعود آدم بضمه من حواء! ترا ذا مو تغريده ذا كتاب! يستهبل

ويين الي ازعجونا بذا الكتاب!!!! انا الحين بنص الكتاب حرفيا وش ذا الخياس!! قريته عشان استفيد واعرف كيف اتعامل مع موضوع القلق الاجتماعي والمكاني في حياتنا لانه هذا شئ احتاجه حاليا في حياتي بسبب زيادة المنافسه والعمل والاهتمام بالمسيرة المهنيه عندنا في المملكة فكان ودي استفيد في الاخير حرفيا كنه كتاب فلسفه وتاريخ!! طيب انا وش دخلني بتاريخ القلق وكيف تغير وبدأ عند البشر ابغا تتكلم عنه في حاضرنا وكيف نتعامل معه مو فلسفه!!

لي سنيين طويلة أقول بقراه ولكن أحسن وقت لقراءة كتاب، هو لما تحتاجه فعلياا!! سواء كانت رواية او كتاب عن موضوع معين. وعن نفسي؛ انا احتااااججج هذا الكتاب بشكل مو طبيعي ذي الفترة! لانه الفترة الاخيره صايرة من اقوم لين انام وهذا كل تفكيري (المستقبل/ وايش ابغا اصير مستقبلاً -مع العلم إني متخرجة ومتوظفه-/ قلق من العمل/ الزواج والأبناء/ النجاح وألخ.) وبصراحة تعبت نفسيا؛ القلق والتفكير يهدم حاضرك.

كتاب شهر نوفمبر ✨️😚
الرواية الرومنسيه السابقة ما كانت جيدة لذلك قررت أعوض نفسي برواية من روايات كولين هوفر، بالنسبه لي هي افضل كاتبة روايات رومنسيه لحد الآن! على إن الاجانب قاموا عليها ولكن باقي الكتب الاجنبيه الي قرأتها ما كانت افضل صراحة 🤷🏻‍♀️ بس نقاط التشابه برواياتها إن دائما بطلاتها صغار بالعمر مدري ليش🤔

متحمسة جداً للكتاب وإلى الآن عجبني مره 😍
بصراحة ذي الفترة ابغا اقرأ كتب وروايات لكتّاب عرب فشكلي بسحب عالروايات الاجنبية فترة

(الغلاف العربي غير معبر ابدأ لفحوى الكتاب).

المعنى الحرفي لأحلام العصر وكأنها مجموعة كوابيس او احلام مكتوبه على ورق وكل فصل قصة غير مرتبطة ببعض، والوصف عجيب!! ومن بدأت وإلى الآن أجد نفسي مو فاهمة الفكرة 100% ولكن أعتقد إنها بدأت تتشكل لدي الرسالة التي تريد الكاتبة إيصالها، فأعتقد أن كل قصة تتكلم عن المخاوف والآلام التي يمر بها البشر في حياتهم، مثل الشيخوخة + الحمل دون زواج + الخيانة + الانتقام.

"الأسر السورية كانت غالباً أكثر مرارة من جميع الاجئين. أولئك أُجبروا على المغادرة بلا إنذار مسبق، تركوا بيوتهم وحيواتهم، وربما لن يستعيدوها أبداً"

ما إحكي لكم الشعور وأنا اقرأ هذي الجملة (وكأني اقرأ من المستقبل)❤️‍🔥!! الحمدلله إلي خلانا نشهد انتصار سوريا وعودة أرض العرب للعرب الحمدلله؛ واليوم نشوف انقلاب الأحوال من عوائل مسكينه تهجرت في البحر لمجرمين يشردون في البحر؛ انتقام ربي جميل 💖

زين إني قرأت 1984 قبل هذي الرواية ولا ما كنت بفهم وش يتكلم عنه الكاتب لان هذي الرواية سياسية بحت!! يعني مو حيوانات وانتهينا 😂 فإلي قراها بدون ما يعرف الكاتب ما بيفهم الرواية؛ عموما اخيرا بقراها 😩 في سنة 2022 لما رجعت للقراءة، لقيت العديد من الكتب الي كانت مشتهره وقتها وكلها ما قريتها بسبب إنها طلعت من خشمي 😂
فحاليا تصالحت مع ذيك الكتب وقررت اعطيها فرصة

رواية جدا لطيفه وفيها المقومات الأساسية لكونها رواية؛ على إن القصة جدا بسيطة إلا إنها رواية لطيفة وقروية مليئة بالمشاعر وشخصياتها فيها حياة ❤️ حتى حبيت كيف إن الرواية حمستني عشان اشوف وش بيصير للبطلة في حياتها + حبيت إني قريت الرواية هذي مع كتاب حياة الكتب السرية لاني اقرأ عن نفس الكتب ومعلومانها بنفس الوقت فجالسه استمتع.

اتوقع مرت عليكم مثل هذي الصدف كقراء وهو انكم تقرون كتاب ثم لما تخلصونه تقرون كتاب ثاني مشابهه له. حاليا مرت علي هذي الصدفة ولكن في نفس الوقت؛ فأنا اقرأ هذا الكتاب مع رواية "المكتبة الأخيرة"وكلها محادثات عن الكتب الأدبية. فمثلا كلهم تكلموا عن فرنكشتاين بنفس الوقت والحين كنت اقرأ عن جين اوستن وبطلة "المكتبة الأخيرة" كانت تقرأ عن العقل والعاطفة، فحسيت شعور غريب كأن الكتابين مرتبطين ببعض؛ احلى صدفة والله 🔥

وش ذي الاحداث الغير منطقية!! ما ودي احرق بس حرفيا البطلة حاليا بموقف تقدر تحمي نفسها بس بكل غباء جالسه منسدحه للمجرم!!! والمشكله هو مو مسلح😭😭😂😂😂🤡 ايش ذا الغباءءء

مع كامل احترامي للي عجبتهم الرواية بس الرواية ما تستحق ذي الضجة ابدا !! بالغتوا مره.
الروايه حشووو كلام وكلها عن (ما احد يصدقني / هل انا مجنونة فعلا؟) والبطلة مستفزة + الحبكة سيئه.
اشياء كثير مو مفهومة مره -والترجمة رائعة للمعلوميه- (وصديقتي الي قرت معي قالت نفس الكلام وقالت شكلها كاتبة جديدة!) + تنسيق الفقرات سئ، يعني تخيلوا تقرون عن الشرطي غريغ فجاءه الفقرة الي بعدها مباشرة نرجع للبطلة، بدون وجود اي فواصل رسومية.

في المقدمة تقول لنا الكاتبة إنها ولدت بيد اصابعها صغيرة ومو طبيعيه عكس يدها الثاني وكيف إنها عانت من تعليقات الناس بعد انجابها لطفلها؛ فهنا بالروايه تعرض لنا عن الحمل والولادة لشخصيه عندها نفس حالتها والبطل عنده ساق واحده فقط وكيف يواجهون هذي المرحلة + حبيت إنها تكلمت عن إن الغالبيه يتوقع من الاشخاص بنفس ذي الحالات إنهم مو قادرين على الزواج ولا الحمل والانجاب وحبيت برضوا الشخصيات واجواء الرواية بشكلل ❤️

I think this is will be my first romance funny novel i ever read 🤣 I like the story and the characters, especially the FL frenid anne and i like the mystery around the male lead
الرواية عجيبة عجبتني مره؛ على اني مختمة القصص الرومنسية بس أول مره تمر علي قصة زي كذا؛ الرواية جمعت بين الضحك والمغامرة والغموض والرومنسية!! حرفيا اسمعها صوتي وانا مستمتعة جدا ولغتها مره حلوة وسهله.
+ الغموض تجاه البطل طريقته عجيبة!!

كفوو 🤣🤣 بكل رواية او كتاب او مسلسل اقراه أكتشف إن المثل هذا صحيح وهو (الواحد ما يمشي الا بالعين الحمراء) البطل كان فيه غرور وشوفة نفس مو طبيعيه عرفت كيف تأدبه تأديب 🤣🤣👌🏻

واووو اعيش بفلم اثارة حرفيا، اختاروا صديقاتي كتاب المادة السوداء وعجبني مره وكان كنه فلم اثارة وتشويق على خيال علمي والحين هذا اثارة وتشويق وغموض وجريمة.
بصراحه الاختيارات موفقه واتمنى نكمل على ذا المنوال ❤️‍🔥

حلوة والله!! ما توقعت إنها بتعجبني صراحةً!😅 كانت عكس توقعاتي. أولا يوم شفت الرواية طويلة وقصتها في النبذه ما عجبتني فتوقعت بتكون تمطييط وممله + توقعتها تنفع للاطفال والمراهقين بس طلعت للكبار!! + فيها غموض وإثارة وجرائم ورومنسية وكلهم قرية صغيره يعرفون بعضهم بعض بس عالمهم غير عن عالمنا تقريبا والغريب بعالمهم إن ما فيه فكرة الانتقال للمدن الكبيرة فهم شباب عادي يشتغلون بقريتهم.ولكنن الترجمة! كويسهه وشبه حرفيه

توتررررر مو طبيعييييي 😭😭😭

واووو وااااوووو!!!!! اقرأها حاليا مع صديقاتي ^_^
فعليا ما قدرت افكها من يدي!! صح الفكرة مكرره بس مره ممتعه وغامضه واصلا الرواية قديمة تعتبر + حبيت كيف هي سلسه كأني في فلم!!
بصراحه الرواية مره غريبة من كنت أشوف غلافها الانجليزي، حسيتها ما تعطي شعور إنها رواية، وفعلا الكتاب متعمق شوي بعلم الفيزياء وحبيت كيف إنه باحث بشكل كويس عن المعلومات وحبيت التوافق والى الآن اعطي الرواية من جميع النواحي 5/5

اخخخ،، اتوقع إلى الآن بقيم الكتاب 1.5/5،
بصراحه عرفت ليش ما حسيت بأي اندماج مع الكتاب؛ لانه ما فيه قصصهههه!!! كأني بين سريرين، لا هي رواية تروي قصة معينه ولا هي كتاب أدبي توَصل لمغزى او فكرة معينه!!! حرفيا بس تُروى أحداث البطلة الاساسية في حياتها من نيويورك البلد الاساسي الي يعيشون فيه إلى باك وودز الي يروحونها كل صيف وفيها منزل الورق، وبس! وقصص عشوائيه مع اشخاص كثير موجودين بحياتها، وامور مقززه اخرى.
تنصحوني اكملها؟

Translated by: أنور الشيخ
وش سالفة دور النشر ToT وراهم ما ينزلون الكتب حقتهم على قودريدز؟! عموما أنا حاليا اقراها بالعربي، كتاب "قصر الورق" برضوا اقراه بالعربي ولكن تقدمي فيه بطئ جدا وحسيته بيجيب لي فتور قرائي فقررت اتدارك الوضع وابدأ لي رواية ما يحتاج أفكر فيها بس امشي بالاحداث واستمتع فهمتوا بدون عمق ولا تفكير، بصراحه توقعتها طفوليه مره بس استمتعت فيها بشكل وغامقه وغريبه وحلوة!!!
انصحكم فيها والله

دائما يستفزني في الأدب الامريكي هو حبهم لوصف الامور بطريقة مقززة، مدري وش المغزى هل هذا هو الادب بالنسبه لهم؟! لاحظت ذا الموضوع متكرر بالأدب الانجليزي والغربي مرات، مثلا تكون الشخصيات ريحة فمها مقززة او سمنتهم تحسسك ان اباطهم رطبه، اعذروني عالقرف بس كذا دائما الوصف!! + الى الآن الرواية احس بشئ غريب اتجاه الرواية اذا كملت 40% او 50% بقرر بشكل اكيد.

اسمع الرواية صوتيا وما عجبتني، اعتقد إني بسحب على الرواية لانه مرتين -بأوقات مختلفه جدا- قررت اسحب عليها فالقرار الثالث بيكون السحبه الاكيده، تخيلوا اني توني بديت الفصل الثالث!! السبب الاول هو كنه فيه راوي يتكلم عن البطلة ويوصفها ب she!! فما حبيت + شخصية البطلة مستفزة ومعطيتني شعور إنها أذكى وحده بالمجره + الشخصيات الثانوية ما عجبتني خصوصا الإناث + المؤديه الصوتيه زايده الطين بله + الحوارات جدا خايسه ومستفزة.

اعذروني عالغلاف ToT
ولكن سمعت مدح كثير على ذي الرواية + إنها قصير، كنت متوترة ابدأ رواية لكاتبة جديدة بعد ما تعودت على آنا هوانغ؛ عموما الرواية مكونه من 5 أجزاء مرتبطة ببعض ولا اضمن اكملهم كلهم لكذا قلت خلني أنزل عن كل جزء لحال واذا تأكدت إني خلصت الخمسه كلها ذام الوقت بحط الكتاب إلي يمثل السلسلة كامله.
عموما الفمرة إلى الآن غريبه وأول مره تمر علي ومتحمسه لها احس بتكون حزيييينههه لان ذا الشئ واضح من اول فصل قريته ToT

اخخخ مره حبيت حبهه لهاا بشكللل ToT
جنتلمان بإختصاارر؛ فيه نقاط مكرره زي كل رواية رومنسيه تقريبا ولكن مع ذلك فيهه اختلافات، اولا مكانته الاجتماعيه والمالية اقل منها إلا إنه هو الحامي والسند لها! ما قد تخلى عنها الا مره وخارج رغبته، يحاول يضل معها بس ما قد قلل من كرامته عشانها تحسه نبيل اكثر منها ToT. ممكن يتنازل عنه حبه لها عشان مصلحتها؛ هو موظف عندها بس لما يطلعها لتسليتها يصرف من جيبه عليها، اخ اشياء كثيره.

حطيت ص110 لان ذا اخر فصل نزل اليوم؛ الحين بدت الأحداث الصعبه، القصة تشرح بإختصار معاناة الزواج للبطلين فهي بطلة ساذجة من الريف ومدللة من جدتها إلى البطل الأناني إلي يهمه بس رغباته ومشاعره وكبرياءه؛ للأسف البطل يمثل كثير من الرجال الي يشوف رغبته ومشاعره أهم شئ ويتوقع المال والهدايا تحل كل المواضيع وبيكون اسوء لو ما تلقى منه أي دعم واستصغار لهدفك بحجة إنك ما قد تعلمتي وصعب تبدين التعلم، اشوف القصة واقعية من نواحي كثيرة

Translated by: نور العيون حامد
الرواية تم ترجمتها من قِبَل الدار العربية للعلوم ناشرون ولكن للاسف ما أنضافت إلى الآن في قودريدز! على إنه لها سنة مترجمة وإذا تبغون تقرونها بتلقونها في مكتبة جرير أو أبجد الحب؛ بصراحه الرواية إلى الآن جذابة والترجمه رائعة الحمدلله، الرواية توضَح لي إنها من نوع الروايات الريفية الي تتكلم عن الذكريات والمشاعر والحب والطبيعة وشكلها بتكون عميقه وعرفت شخصيات شجرة العائلة.

بدون حرق تعرفون سوالف المسلسلات اختي/امي/ابوي/ اخوي الحقيقي؟ كنت متوقعه من بداية الرواية إنه بيصير ذا الشئ بس صارت اضافة غبيه ما كان لها داعي وجابت لي تساؤلات لان حتى توضيح الكاتبة غلط واتمنى تتوضح في ال20% المتبقية (ما عاد اني ما اتوقع)؛ اولا يقول اندرياس إن السر ذا اخذوه اهله معهم القبر طيب كيف صدييق البطل اكتشفها؟+يقول البطل إن حتى امه ما تعرف اسم ابوه الحقيقي،طيب كيف اندرياس عرفها!! عجيبب