Ghadah Algarni > Recent Status Updates

مبدئيا عجبتني مره!! ممكن هذي اول رواية سعوديه اقراها من كبرت!لغته جدا رائعه ووصفه مره حلو وعلى إن الكتاب حجمه كبير بس ما حسيت انها صعبه وبصراحه ذكرتني شوي بسلسلة الطين للسنعوسي على إني ما كملتها بس ذي افضل لانها مفهومه والفكرة واضحه

قصص رائعةة؛ تمنيت انهيته في رمضان ولكن للاسف الواحد ينشغللل جدا خصوصا قبل العيد والمناسبات الي ورا بعض.
والآن ان شاء الله بتكون عودة قويه للقراءة يارب وللروتين والله يعين على فراغ شوال الكئيب 🥲😮‍💨

المانهوا كل شوي تعجبني اكثر واكثر ومنطقيه وواقعيهههه القصه مره ومشاعرهم وعلاقتهم

مبدئيا عجبتني حلوة والله

آخ وأخيرا لقيت ترجمه مكمله للمانهوا وبدأ الموسم الجديد 😔❤️‍🩹 قسم بالله حبيت ذا الفصل وواضح البطل بينكسر كبرياءه اكثر في ذا الموسم؛ حرفيا عليه كبرياء وشوفة نفس! حرفيا اول مره اشوفه زي كذا 🤣 اخ بس متحمسه الحين اكمل الفصول ❤️❤️

جميل الكتاب جدا؛ غالبا الكتب الدينية او المكتوبه من قبل عالم من العلماء تجيب لي النوم بس ذا الكتاب لامس قلبي بسبب القصص الجميله والربط بين الآيات والأحاديث واحيانا يذكر سبب نزول الايه. الكتاب قصير وجميل ان شاء الله انهيه على نهاية رمضان 💗

مع كامل احترامي بس بعض الاحاديث الي يحطهاا .. !! غريبه! حتى صياغتها فيها ركاكه! فيه احاديث كثيره تكون رواه الترمذي والمسلم والبخاري بس بعض الاحاديث غريبه وعلطول تعرف ان ذا مو حديث صحيح تماما بمجرد قراءتها بالاخير انا من الابتدائي اسمع باحاديث وادرسها واقراها للجامعه وكثير من ذي ما مرت علي ابدا؛ ومواضيع ذي الاحاديث الي حطها مو عميقه دينيا لدرجة اقول انه فعلا ما اعرفها علي لاني مو دارسه بالشريعة؛ ما حبيت ذي النقطه.

استفدت كم نصيحه رائعة من الكتاب ولكنه بصراحه ممل يعني صراحه إلى الآن وحتى اتوقع بعد ما اخلصه بضل انصح بقرءاته ولكن مدري فيه شئ باسلوبه الكتابي او شرحه او طريقته تخليني احس الكلام مو جديد ومكرر وما انجذب الا لبعض الفقرات بصراحه. بصراحه جالسه احاول اخلصه وخصوصا مع ضيق الوقت برمضان. ورانا كم كتاب ابغا اقراه بذا الشهر الفضيل ❤️

فيه شئ صار مو منطقي؛ فيه حدث صار والبطلة كان تقدر تستفسر عنه! ليش ما راحت؟ هذي الاشياء البسيطة والغير منطقية ما تعجبني لان بالاخير مهما كانت البطلة هادئه وخجوله ما يوصل انها ما تسعى لمعرفة شئ مهم زي كذاا

قبل ابدأ الكتاب كنت رايحه جرير وفجاءه (على اني اشوف الكتاب من زمان) بس حسيت ذكرني بكتاب قصر الورق. الحمدلله طلع افضل بكثيررر من قصر الورق وفعلا فيه تشابهه بينهم بس هذا مرتب اكثر وواضح اكثر وتسلسل الاحداث جدا ممتاز وحتى اقل استفزازز بكثير وطبيعي. ان شاء الله اخلصه بس مشكلته تفاصيل كثيرة احس اني جالسة اطفش واطول لين ابدأ فصل جديد لكن اليوم حاولت اسمعه صوتي بسرعه 0.9 ممكن يخليني ذا الشئ اركز واكمله صوتي اسرع لي.

ايشششششششششششششششششششش!!!!! كل شئ كنت متوقعته الا هذااااااااا!!!!! توني امس اقول إنه غالبا كتب الغموض والجرائم الي بطلاتها نساء تنتهي بنهاية متوقعةةة فكنت شاكه طول الوقت هل بتسوي كالمعتاد لان ذي اول رواية اقراها لماكفادن ولكن سوت شئ مجنون ما توقعته كذااا
حتى لما قريت اخر سطر رجعت اقراه مره ثانيه اقول ما فهمت وش السالفه بعدين استوعبت 😭🙉

اخخ الحين فهمت وصف الأجانب لروايات فريدا ماكفادن!!
كلهم يقولون ودك تخلص الكتاب بجلسة وحده من الحماس والاثارة وفعليا ذا للي يصير معي لاني نادر ألقى كتاب اقرأ فيه بكمية كبيرة بشكل متواصل بدون ما اطفش واقفل الكتاب.
عموما يارب تكون النهايه مختلفه عن المعتاد في روايات الغموض؛ لانه طفشت ألقى نفس النهايات!! بس حاليا فيه علامات تقول لاا الوضع مختلف وبنفس الوقت ما انكشف لنا الغموض وراء احدى الشخصيات الاساسيه بالرواية

واوو من زماااان عن تضنيف الرعب وبالنسبه لي تصنيف الرعب والكوميديا هم اصعبببب تصنيفين على انه الغالبية ممكن يشوفونها الاسهل بس العكس تماما فهي الاصعب!! فصعب تخلي القارئ يضحك لانه الناس أصناف وبنفس الوقت صعب تخوفه بس ممكن تسبب له قلق وتوتر بسهوله لكذا تلقى روايات الغموض هي الاكثر انتشارا. عموما الوصف مرعب والمكان ارعبني وذكاء البطلة عجبني ما احب الغبيات بالرعب🤣 يستفزوني. بداية موفقه

لازم اتكلم عن هذي النقطة ضروري وهي إن وش دار النشر هذي إلي اول مره اسمع فيها والمترجم هو احمد كريم وبرضوا اول مره اسمع فيه مع ذلك الترجمة ممتازة جدا!! ✨️ ياليت والله يمسكون روايات وكتب ثانيه ويترجمونها لان ما مرت علي اغلاط املائيه زي بعض دور النشر الي بعضها معروفه وبعضها جديدة واشتهرت مع ذلك لا تخلوا من الاخطاء بينما هنا الشغل نظيف بصراحه😍 اتمنى صدق يستمرونننن

مبدئياً... عجبتني مررره 😍

لا بأس بس للحين مو واضح لي وش سالفة الرواية وخيالها غريب لانه بدأ فجاءه وما ادري هي هل فعلا خياليه اصلا!

اممم كمقدمه القصة صدمتني ما توقعت كذا توقعت شئ افضل بس ان شاء الله الاحداث الباقيه احلى.
لغتها سهله مقارنة بباقي الروايات.

ياربي سترك مبدئيا حلوةة بس ذكرتني برواية قصر الورق 😵‍💫
رواية قصر الورق اشتهرت عند الاجانب ولقت سب او اعجاب وانا سبيتها 🤣 لانها ما عجبتني ابدا وسحبت عليها حتى! وفوق كذا كانت فوضويه والخ ولكن هذي مرتبه وواضحه اكثرر وبدايتها شيقه بس اول ما شفت وصف الطبيعة والمكان وكذا الجو عاام للرواية هذي تذكرت علطول رواية قصر الورق!! بس اعتقد هذي بتكون نسخة افضل بكثير ان شاء الله ✨️