غادة القرني > Recent Status Updates

روايه ممتعه جدا جدا وخريفيه ولطيفه وعالمها شوي خيالي، وفيها رومنسيه وابناء القريه والبطله الي هاربه من المدينه لترجع للقرية الي نشأت فيها وهي صغيره والي عاشوا فيها اهلها قبل ينقلون، حلوه انصح فيها✨♥️

بسحب عليها، هذا اقصى شى اقدر أوصله مع ذي الروايه! اولا اجواءها مو خريفيه ابدا! ثانيا القصة عن كوميديين والكوميديا معفنه والرومنسيه بيض، هم بينهم عمل ومشاعر ويتحول لمواعده مزيفه، وحاليا صار عندي التوقع للنهايه، باختصار لا جديد (ملل

يقول الكاتب، بلسان البطله (مثل الفرنسيات لا أحد يعاكسهن او يقول لهن كلاماً خادشاً)!! اسوء شى في الكتاب النسويه المقرفه والانبطاح الغربي في الكتاب، هذا والجزائر المفروض تكره فرنسا بس اول مره اشوف ناس تحب مستعمريها

جميله صراحة! نادر القى روايات عربيه حلوة في الغموض والجريمه وسردها جميل، لكن احس التسلسل كان يبغا له تضبيط شوي+صراحة لاحظت الدول العربيه الي فيها تفتح والدين صار ثقافه ان عندهم اشياء غريبه مره بحق البنات🙂الله يثبتنا دائما وابدا

ودي ادخل الشاشه واطعن البطل واطعنه لين يموت وارتاح نفسيا 😩🤗🫣 مستفزززز ووصخ وقسم بالله ودي امه رمته بمصحه عقليه، يمكن الامور تتغير بالنص الثاني من الروايه بس ما اتوقع لانه وصخ خلاص

ما عجبتني شخصيتها ابدا والكوميديا ما اشوفها كوميديا مضحكه صراحة! يعني it’s happened one summer ضحكتني اكثر + ما يعجبني فقرة عملها لما يتكلمون عنها وعن الكوميديين والكوميديا والخ

مره مبسوطة ان الكتاب يتكلم عن الشخصيه العظيمة عبدالرحمن (الناصر العظيم) كنت زمان افكر ان عبدالرحمن الداخل نفس عبدالرحمن الناصر😩 طلع عبدالرحمن الي يقال خلى الاندلس بؤرك نور في اوروبا هو الناصر وليس الداخل

ما اظن بكملها كتاب ممل جدا وقصصه غير شيقه بتاتاً جاب لي النوم

بداية جميله واعتقد انها كانت فقط سبب للتسلسل بقصه تاريخيه اساسيه

الحين فيه شى يضحك توني انتبه له🤣 ليش اسم الكاتبه لوري غيلمور!!!!! معقوله اسمها الحقيقي🤣🤣 اذا تعرفون مسلسل فتيات غيلمور الي يعشقونه الاجانب ويتابعونه كل خريف فاسم الام وبنتها لوري غيلمور! والثانيه روري كدلع👀🫣تابعته زمان يجنن

سمعتها السنه الي راحت صوتي وعجبتني مره حسيتها دافئه ولطيفه على اني حسيت البطل شوي شخصيته غريبه وبارد مره اتمنى اذا قريتها الحين تكون شخصيتهم حلوه مع بعض

“الناس لا ينتظرون منك أن تكون بلا عيب، بل أن تكون صادقاً، بسيطاً، على طبيعتك."

"من وجد الله فماذا فقد؟ ومن فقد الله فما وجد؟"

سهرت أعين ونامت عيون .. في أمور تكون أو لا تكون
إن رباً كفاك بالأمس ما كان .. سكفيك في غد ما يكون

مره شادينهااا في هذي اللعبه! مسدسات مويه ويقصون بعض ومعاملينها مباريات قويه وجباره وهي كلها زي مطارده اللهم بالمويه! لدرجة تقول اكيد العريس قلق لان الحين اخوانه الي يتنافسون بينهم! اوفر! الاحداث كلها عن ذي اللعبه السخيفه!

هذي الفتره كنت احتاج كتاب زي كذا وبصراحه توقعت لما فتحته في ابجد بيكون كبير بس طلع قصير، عموما بعد تجربتي السيئه بالكتب الاجنبيه اقولكم ما فيه كتب علماءنا ومشايخنا صح الكتاب بسيط بس مريح نفسيا ويصحح نفسك واتجاهها

مشكلتي اني ما اعرف اسحب على كتاب الا اذا كان سئ جدا جدا🫠
احسن شى فيها ان جوها مثل جونا العربي يعني عائله كبيره وعيال العم والجدان والاحفاد والخ فالمكان حيوي مره في الروايه ومليان شخصيات. غير كذا ما عجبني شى

مبدئيا ما عجبتني مره! اولا الابطال مراهقين وخلنا نقول عادي بس وصف الشخصيات بسيط وحتى البطله واختها وصفهم ما يطابق افعالهم؟ لدرجة قلت شكلها قلبت الرصف بينهم، + الشذوذ تكرر كذا مره وقرفني+ القصه طفوليه يشكل غريب مدري فيه شى مو عاجبني

حاليا رجعت اقراها عشان اكمل السلسله واخيرا

حبييييت وتضحك 🤣🤣🤣🤣
من زمااان اشوف عليها مدح وبصراحه لقيتها مترجمه بمكتبة بالتليقرام بس للاسف مره سيئه الترجمه!! انا غالبا اتحمل الركاكه وابلعها واحاول افهم عادي، بس ذي سيئه جداا فبديت بالانجليزيه لانه حبيت البدايه وتحمست

افضل بكثييير من كتابها (قابلني عند البحيره) صدق صدق عجبني وحبهم وتقلبات الحياه والماضي والشخصيات والواقعيه بالقصه✨💛🩵