Muhammad Elmasalhe > Recent Status Updates

من زمان متسحلتش كده في روايه لدرجه اني حسيت انى بحلم باحداثها ، روايه سينمائيه من طراز فريد .. عجبني الجزء الاول منها متشوق جدا انهيها باذن الله ، لغايه دلوقتي من نوعيه الكتب اللي تحب تنهيها مره واحده ، اعيب ع الكاتب الشخصيات الكتير الثانويه اللي اسمها اتذكر مره بلا هدف كذا شخصيه اللي ظهورها مش ماثر كتير في الاحداث ( وجودها زي عدمه الحقيقه ) ومهرفش ليه الكاتب سحلنا ف اسماء ناس كتير كده بس ماشي

عجبتني رمزية قصة الممثل لدور الفاروق عمر و جحا ..
و نصيبي وقسمتي وكيف واجه العالم هذا المخلوق العجيب
و اخر مجموعة احلام .. ذلك المنطوى بغرفته بلا نوافذ سوي شمعه وباب مغلق ...
نجيب رائع

قصص قصيرة علي مستوي عال جدا بالرمزيه والاسقاطات ،
يسخر فيها نجيب من الواقع والحياة واحيانا اشعر انه يكره الحياة قدر ما احبها ..

لغايه دلوقتي قرأت ٣ حكايات .. مملين جدا ، الشئ الوحيد اللي بيدفعني انه قلم د احمد خالد توفيق ، اعتقد لولا كده كنت هتوقف ..

لغايه دلوقتي الكتاب فادني اكتير او اقدر اقول وصفلي الروشته اتمني اخلص الكتاب واقراه اكتر من مره ، من الكتب المهمه للناس ال over thinkers

ف ٢٢ صفحه فقط وجدت الاتي :-
الكتاب من نوعيه الكتب التي تقدم العزاء والمواساة.
الاهداء في بدايه الكتاب جميل اوي ووقفت عنده وقرأته اكتر من مره ..

ايه الجمال ده ، في ٣٧ صفحه رجعت بيهم في الزمن لعام ١٩٢٠ ومشيت في شوارع القاهره و عشت وسط ابطال الروايه لدرجه اني عاوز ارجع اقرأ من تاني من جمال الصفحات والوصف الدقيق

لغايه دلوقتي واحد من امتع كتب احمد خالد مصطفى

الدخل مشوق جدا كعادة الكاتب ..
اسئله كتير مطروحه في اول مشاهد الروايه ..
اعتقد اجابتها هى موضوع الروايه .

ايه اللي عملتيه فينا ده يا ميرنا ،، ايه وجع القلب ده 💔

رواية ممتعه لحد كبير ولكن تحتاج الى تركيز شديد جدا خصوصا لتداخل الشخصيات وسفرهم عبر ازمنه متعددة

كم كبير من الاخطاء اللغويه والتراكيب الخطأ ؛ صفحات معاده بشكل متكرر وبشكل غريب والاغرب ان الصفحات المعاده تحمل ارقام مختلفه وكان الروايه مراد لها ان تكون عباره عن حشو علما بانى اشتريت النسخه الاصليه من دار ن بمعرض الكتاب وموقعه من الكاتب - احمد الزيني - ..
الروايه بها مشاهد شذوذ وشطحات فكرية والحادية !!
روايه سيئه لا انصح بقراءتها مطلقاااا ؛

انا جاى من رائعة الكاتب " اوراق شمعون المصرى "
لتوي انهيت ١٠٠ صفحه من روايه عهد دميانه
الكاتب باسلوبه وطريقه سرده للحكايه بيجبرني اخلص الروايه في جلسه واحده !!
الربط والشخصيات محتاج تركيز شويه

انا مش قادر اكمل الروايه .. لغه عربيه ممتازه بس ايه الملل ده سرد الاحداث كان ممكن يكون احسن من كده.

لغايه دلوقتي كاني بقرا مقالات صحفيه في جريده او مجله ، الكاتب حاول يجمع اكبر قدر من المعلومات في اقل عدد سطور عن مواضيع مختلفه اعتقد الروايه دي واخده ترند اكبر من حجمها مقدرش اقول عليها روايه بشكل كامل.. عموما شكرا لكاتب احمد خالد مصطفي موهوب جدا و هو أبدع في روايته الاولي انتيخريستوس خلاني اتوقع منه عمل اكبر من كده.

روايه اشبه بمسرحيه من خلال الصور والموسيقي المنتشره في كل ركن من صفحاتها.. جميله