منة عبد الفتاح ’s Reviews > العالم > Status Update

كان يوجد في العالم كلمات كثيرة وأشياء كثيرة، ومن الممكن بسهولة أن ينتج عن هذا بعض الارتباك، بعض التوافق الخاطئ، لكن لم يحدث شيء كل شيء يُسمى بما يجب أن يسمى به. وبالعكس كان يبدو لي أمرا لا يمكن شرحه .. فعند نطق كلمة قط كان يظهر في رأسي قط .. وعند قول "ق" لا يظهر نصف قط. لم أقل شيئاً لأمى حتى لا أقلقها .. (٢/٢)

تبدو لي المرحله دي مش مرحله طفوله علي قد ما هي أعتاب مراهقة، تشكل "وعي" بشكل حرفي ، بتبدي تفتكر اللي حصل امبارح وتبني عليه احداث بكره و "تفكر" ده ممكن يبقي معناه ايه او "ليه" .
المرحله دي بدأت معايا اني تأملت دعاء النوم اللي ماما والحضانه معودينا عليه "باسمِكَ ربي وَضَعْتُ جَنْبي، وبكَ أَرْفَعُهُ، إنْ أَمسَكْتَ نفْسي فاغفِرْ لها، وإنْ أرسلَتْها فاحفَظْها بما تحفَظُ به عِبادَكَ الصَّالحينَ"

طبعا كطفل بيردده كان مجرد كلمات متواصله، فاكره بوضوح اول مره قاعدين عالسرير مع بابا وماما بشرحلهم اني النهارده "فهمت" يعني ايه " بما تحفظ به عبادك الصالحين" وحقيقه أن الجمله دي راجعه علي الشيء اللي ربنا بيحفظ بيه عباده الصالحين وأن رصه الكلمات دي بتساوي "معني"
افتكرلهم انهم انبسطوا و مثلو انه كان استنتاج كويس فعلا وحقيقه كانت غائبه انا سلطت عليها ضوء ما، لحظات كتلك لاتقدر بثمن وأرجو من الله ان يراضيهم بقدر ما راضونا في كل لحظه غير منطقيه/مربكه/تافهه كتلك !