منة عبد الفتاح ’s Reviews > دون كيخوته > Status Update

فالشخصية عند بوكاتشيو مثلا هي نموذج اجتماعي تنتمي إلى مجموعة ثابتة، وبالتالي فهي عاجزة عن أي تطور داخلي الأشياء تحدث له، ولا تحدث فيه. وفي النهاية ومع كل الاحداث التي هي في الحقيقة نتاج للظروف يظل الشخص ذاته الذي كان في البداية. وبالنظرة ذاتها للحياة وللدنيا.

هذا ما كانت عليه القصة ولقرون عديدة في أوروبا الغربية. وإذا ابتدأنا بالعصر الألكسندري كتصوير للعادات، فقد استمرت ومن خلال "ديا كاميرون" و "مائة قصة حديثة" لتظل في هذه الصيغة ولا شيء آخر أو أكثر، بينما يكمن تميز سرفانتس في أنه قد كسر القالب وقدم عنصر الديناميكية. ويفعله هذا، كما يقول كروتش اكتشف المنهج الأساس للرواية الحديثة. ويمثل هذا انقطاعا مع الأشكال القصصية السائدة في أيامه مع القصة الأركادية من جهة، ومع قصص الفروسية من جهة أخرى. إن شخصياته الأساسية لا يمكن أن تكون بالأبيض وحده أو بالأسود وحده. إنها كائنات بشرية مركبة تتغير باستمرار وتنمو وتتوسع إنها تفكر في الحياة ومعناها وتفكيرها يتسبب بوقوع أحداث لها . (٢/٢)

اهم نقطه هنا ف اللت ده هو ان نزع الأشياء من سياقها ظلم فج ليها، متقدرش تشيل دون كيشوت من زمانها وبلدها والقصص اللي اتكتبت قبلها ، لأن ده هيخليها just another story ، لكن تميزها بيجي من حقيقه انها اول روايه حديثه مسجله في الاراء الادبيه المعروفه يعني .
معني حديثه انها مش متقولبه بالطريقه الجاهزه للديكامرون مثلا (من ٧٠٠ سنه) أو الف ليله و ليله ، الديكامرون دي بتتكلم عن طاعون شديد ضرب مدينة فلورنسا في إيطاليا. فقام 10 اشخاص خافوا على نفسهم وهربوا لبيت في الريف عشان يستخبوا من المرض.
وعشان ميزهقوش من القعدة، قرروا إن كل يوم كل واحد فيهم يحكي حدوتة.. قعدوا 10 أيام، فطلع عندنا 100 حدوتة.
ألف ليله وليله معروفه بقصه شهريار و شهرزاد اللي بتقعد من حدوته جوه حدوته عشان ميقالهاش ، و الشخصيات في الشكلين الادبيين الاشهر علي الاطلاق دول الشخصية فلات ، يعني لو البطل طماع بيفضل طماع من أول القصة لآخرها، هو مجرد أداة عشان يحكي موقف مضحك أو مقلب حصل. الشخصيات هناك زي الكاريكاتير، مفيش فيها عمق نفسي كبير.

في دون كيشوت : الشخصية بني آدم حقيقي بتفكر، وبتحزن، وبتتغير، وبتتعلم من اللي بيحصلها.
كذلك اعتقد ان السيره الهلاليه بتنتمي للعصر القديم في التفكير في الشخصيات ، الشخصية هنا مش بتنمو وتتغير نفسياً زي دون كيشوت،هي شخصية مرسومة عشان تمثل قيم معينة (شجاعة، فخر، نصرة الحق) فيمكن ده بيخدم الهدف منها.

السيرة الهلالية ملحمة شعبية عظيمة، لكنها ماشية على نظام القوالب الثابتة.
أبو زيد بيفضل أبو زيد، والشرير بيفضل شرير.
لكن دون كيشوت هي اللي بدأت فكرة إن البطل يبقى (إنسان) شوية عاقل وشوية مجنون، وشوية شجاع وشوية خايف، والأهم إنه بيتغير طول الوقت، عنده دوافع غير قوية بيتصرف علي أساسها وعنده مبررات اللي حواليه شايفنها عبيطه وقد تكون فعلا كذلك لكنها دوافعه هو .

وأعتقد كون الروايات زمان مش بتخوض في نفسيه الإنسان و مش عندها استعداد تطلعه غير سطحي بيعكس كتير عن حقيقه خوف البشر من الانكشاف رغم توقهم ليه علي مر العصور :")