فاطمة الزهراء محمود’s Reviews > أحمد سماعين: سيرة إنسان > Status Update

أبنود…
بجميع سواقيها وناسها ونجومها ونسايمها بتكوّع في ساحات الليل
إلا "أحمد سماعين"
مركب أفكار عايمه ف راسه
وعمال تتطوح فيها شمال ويمين
تايه..ومكتِّم على أمر
من سابع دار
تسمع صوت الأفكار
ف دماغ "أحمد سماعين" المِندار
وكإن في راسه حلقة ذكر
أول ليلة،ما تُغمضلُوش عين
الفكرة المجنونة بتجري جوه دماغه زي الوطواط
تطلع…تنزل…تجري…تتكعبل
تلزق في سقف الراس..
ولما يحس بإنه خلاص ارتاح وعينيه تغْفِل
يفلت ويحوم من تاني الوطواط.