Garnik’s Reviews > Թուրքերը եւ Մենք > Status Update

Թուրքերու եւ մեր տարբերութիւններէն մէկն ալ շեշտուած կերպով հրապարակի վրայ է այն փաստով, որ մինչդեռ անոնք կը գործեն, մենք կը խօսինք։ Եւ ինչ որ ամէնէն տխուրն է, խօսիլն ու գրելը մեզի համար դարձեր են գործ։

Ազգերը կը մեռնի՞ն։
Այո՛։ Պատմութիւնը վկայ։
Եւ բոլոր ժողովուրդները, որ անհայրենիք են, դատապարտուած են մեռնելու, որովհետեւ եւ առանց հայրենիքի ազգ չի կրնար ըլլալ եւ առանց ազգի հայրենիք չկայ։ Երկու երեսները մէկ նիւթի։

Ազգ կերտելու մեր ճիգերու ձախող վախճաններուն մէջ մեր պատասխանատուութիւնները շա՜տ, շա՜տ են եւ խոր։
Օտար դաւերու մասին խօսիլը այն ատեն միայն իր արժէքը կ՚ունենայ, երբ անոնցմով սքօղել չենք ճգնիր մեր պատասխանատուութիւնները։