Nour > Nour's Quotes

“دايما بيبقي في يوم وانت صغير وانت لسه صفحة بيضاء ملوثكش الناس باللي عملوه في الدنيا، وانت لسه شايف الأمل وجواك الحب بتشوف جزء من مستقبلك في ناس بتصدق وناس بتخاف، وناس مبتعرفش إن اللي أنت شفته ده فعلا وبكل جماله وروعته ممكن يكون فعلا مستقبلك.. بس باتخاذك انت القرار بكده.. عشان أي قرار من قراراتك وتصرف من تصرفاتك النهارده هي اللي بتعمل بكرة وتحقق حلمك.. انت شفت الحلم بس انت اللي بتختار تحققه ولا لأ.. بس انت كنت شايف حلمك وحاطط إيدك علي عينك، كنت بتوصل لنقطة معينة.. نقطة أنت حلمت توصلها عشان تعديها لكن أول ما بتوصلها بتخاف تعدي بتلاقي نفسك بتلف وترجع تاني من الأول، عشان تحاول توصلها مع إنك كنت هناك.. من الخوف كنت بتمسك حاجتك اللي بتحبها تقتلها بإيديك بعد كده تندم عليها وتتألم.. كنت بتعمل الحاجات اللي انت مش عايز تعملها وعارف إنك مش عايز تعملها.. وعارف إنك تقدر متعملهاش.. لكنك كنت بتعملها.. كأنك بتكره نفسك أو بتكره تشوف نفسك نجحت أو حققت حاجة يبقي بأي منطق ده.. يخليك ليك الحق تندم عليها”
― عبد الحميد عبد اللطيف, الغامض

“طول ما انت مش جاهز تموت
عمرك ما هتحس إنك عايش
طول ما بتحرق ايامك
وتقول بكرة
وبكرة يفوت
وبعده يفوت
هل يا تري ؟
تري
وتعرف إن بكرة مش بييجي
وإن يمكن لما ييجي تموت ؟”
― عبد الحميد عبد اللطيف, عصافير الجنة

“خد نفس يغسل السموم
فتت الخوف
خد بعينك صورة للنجوم
غمض وشوف
الباب المنور وسط ضلمة حياتك
وراه اللي جاي وراك اللي فاتك
يا تكمل تَدوُر مع دوران ساعاتك
يا تَفتح تِفتح تقوم”
― عبد الحميد عبد اللطيف, عصافير الجنة

“لا تسلم نفسك لحلم يشابه الحقيقة، بل عش داخل الحقيقة التي تشابه الحلم”
― عبد الحميد عبد اللطيف, الغامض

“الصورة مزغللة
والصوت متوغوش
والحلم اللي كانت صورته واضحة
اتشوش
وحصالة الدنيا يا شاطر
اللي قعدت فيها تحوش
مفكر يوم ما تكسرها
تلاقي المتحوش
طلعتلك لسانها
دوقتك عفنها
وطلعت مبتعرفش غير تكوش”
― عبد الحميد عبد اللطيف, عصافير الجنة

“سفنجة
سبورة قلبك
امسح الشخبطة بإيديك
مية زمزم
اغسل عقلك
شوف ال ليك
واللي عليك
مواقف صعبة
بانت ناسك
إختار البت ال مقاسك
شوفه مين عُزتُه ومين عَازَك
والحلم بتاعك إقفله عليك”
― عبد الحميد عبد اللطيف, عصافير الجنة

“لزمتها إيه العيون
لو السواد سايد
لزمتها إيه الحروف
لو الكلام مجنون
يارب لوحدك اللي عارف
نورلي عشان أشوف”
― عبد الحميد عبد اللطيف, عصافير الجنة

“قولي واحكي كل حاجة بالتفاصيل
زودي ف الكلام اوعاه يقل
وحشاني سبيني اشوفك
بالتفصيل الممل”
― عبد الحميد عبد اللطيف, عصافير الجنة

“يا عبيط
لو إتشعَبط مرمطة
خليك بسيط
الدنيا فترة مؤقتة
وعقرب الوقت سام
لو اتلدغت
هتندم ع الشعبطة”
― عبد الحميد عبد اللطيف, عصافير الجنة

“عايش ومش ضامن
أكون موجود بكرة
فبعيش
بس مبيهمنيش
لو في
بقول الحمد لله
وبقلها كمان لو مفيش
جوايا إيماني مونسني
وحلم بيعاكسني
ومن وسط البنات الكتير
مستني بنت واحدة
فاكر إني
شفتها ف حلمي
كل ما الاقيها
مش بلاقيها
بس لسه مستنيها تحسسني
إن أنا عايش
بس أنا عايش
ومش ضامن اكون موجود بكرة
وأنا
لا عمري ف يوم كرهت حد
ولا بستني حاجة من حد
ورغم قسوة كل حاجة وكل حد
ساعات ف لحظة تيجي حاجة
ويبعتلي ربنا حد
فقول ياااا
ده أنا عايش
بس أنا عايش
ومش ضامن اكون موجود بكرة
فلو عديت هنا بكرة وملقتنيش
متلومنيش
ومتقليش إن مقلتش
أنا قلت
أنا عايش ومش ضامن اكون موجود بكرة”
― عبد الحميد عبد اللطيف, عصافير الجنة

“لكن تخيل نفسك عارياً بالقطب الشمالي، تموت من البرد ومن ثم وجدت بركة من المياه الساخنة، وبعدما نزلت بها وعرفت كيف هو الشعور بالدفء وتعودت عليه.. اختفت البركة.. ولتعوت أنت إلي الحال السابق.. لكن الألم مضاعف كما هو الآن.. لقد اختفت توا البركة الساخنة، وكان فقط الجليد بكل جانب.. الجليد الذي لم أتوقع أن يكون أبرد مما كان عليه”
― عبد الحميد عبد اللطيف, الغامض

“طول عمري بشوف
عفاريت ف الضلمة وخوف
لحد ما لقيت الكبريت
وفهمت إن ف الضلمة محدش بيشوف”
― عبد الحميد عبد اللطيف, عصافير الجنة

“الفكرة متكعبلة ف دماغك
الفكرة بتكعبلك
وتَحاول ترجع للصراط المستقيم
الفكرة بَتتوهَك
جايبالك أرق
وعايزة تَغيرك
الفكرة لازم تُحطالها لجام
بدل ما تدمرك”
― عبد الحميد عبد اللطيف, عصافير الجنة

“أنا عايز أطير طيارتي
لحد ما يخلص بكر الخيط
أنا عايز أبدل بعجلتي
وأهرب بيها بعيد عن البيت
أنا عايز أرجع قلبي سليم
والدنيا متسواش ولا مليم
أنا عايز أوقف ساعتي
وأغير ألوان الحيط”
― عبد الحميد عبد اللطيف, عصافير الجنة

“مش مهم إنك تخسر بس المهم إنك تحاول لإنك لو محاولتش هتخسر ولو حاولت هتكسب حتي لو خسرت”
― عبد الحميد عبد اللطيف, الغامض

“مينفعش تتعب دلوقتي
ولا تنفخ ولا تتغاظ
او حتي لحظة تمل
إيه يعني مش كله تمام
السكة لسه طويلة
واللي باظ باظ
والحلم محدوف قدام
مفيهاش بقي علي مهل”
― عبد الحميد عبد اللطيف, عصافير الجنة

“الباب اللي يقفل ف وشك قصد
إياك تخبط تاني عليه
والباب اللي يفتح بصوت الخطاوي
إياك متدخلش فيه”
― عبد الحميد عبد اللطيف, عصافير الجنة

“سيب بلونة الدنيا المنفوخة
ده اللي من جواها ده هوا
قبل ما تفرقع وتخُضك
سيبها تطير بعيد ف الهوا
وركز شوف
فيخاف الخوف
وشم بقي شوية هوا”
― عبد الحميد عبد اللطيف, عصافير الجنة

“إتوضا
واغسل القلب اللي صدي
مع إنه مش حتة حديدة
شوف اي حاجة جديدة
حاجة لسه فيها الروح
مستني إيه ما تروح
روح وسيب الهجص
كسر حديد القفص
اللي بنيته جوا منك
شوف بقي كام سنك
بص ف المرايا لشكلك
واسأل الصورة عن عقلك
اسمع حروف الإجابة
راقب بصبر السحابة
قيد قيود الأمس
المع ف نور الشمس
وامشيها ملي بملي
وصلي”
― عبد الحميد عبد اللطيف, عصافير الجنة

“مبحبش لحظات الوداع
والدنيا خلتني
أودع كل حاجة حبيتها
كل حلم ف يوم حلمته
بصحي منه مش مجمع
وأفضل أسأل
وكتير بشيل ف نفسي وازعل
حتي يوم ما قلت آهية
وحبيتها وقلت هي
وهتبقي ليا
دي الدنيا ضحكت
أتريها ضحكت
بس عليا
فين الحقيقة ؟
طب حد يدلني ع الطريقة ؟
أو حد يقلي ليه بدمع ؟
قالوا زمان
اللي تضيع منه حاجة
مبيعرفش يرجعها
وأنا
مبحبش لحظات الوداع
وبقيت محبش أي حاجة
عشان مضظرش أودعها”
― عبد الحميد عبد اللطيف, عصافير الجنة

“بقالي زمان
مصلتش ومركعتش
ومشكتش لربنا
من الهم علي كتافي
بقالي زمان مفكرتش
وبالتالي مدمعتش
واعدي اليوم
بكتر النوم
ولف نفسي ف لحافي
بقالي زمان
مضحكتش علي نكتة حتي لو حلوة
ومكتبتش بقلمي أشعار عقلي اللي بتجيني
مع إنها حلوة
ولا اشفش البنت الحلوة
واحسها حلوة
بقالي زمان
عايز ارجعني زمان
ومقدرتش”
― عبد الحميد عبد اللطيف, عصافير الجنة

“فاضل ع السكة كام خطوة
وبتكعبل
ولما حاولت إني اصبر
لقتني ف صبري بستعجل
أنا حاسس إني لو وقعت تاني
لا هقدر لا اقوم ولا استحمل
ده فاضل ع السكة كام خطوة
وبتكعبل
يارب إسندني”
― عبد الحميد عبد اللطيف, عصافير الجنة

“عمرك شفت بذرة
!بيلفوها ف كفن
عمرك شفت بذرة ماتت
!لما بتتدفن
طب عمرك شفت فكرة ما
محفورة ف ورق الحياة
صابها العفن؟”
― عبد الحميد عبد اللطيف, العد التنازلي للأيام

“الغراب ع الراس وقف
شوش ع الصراط للهدف
خلاني ادخل ف المتاهة
ونخلص متاهة نبدأ متاهة
وكل ما نقول خلاص
نتوه تاني للأسف”
― عبد الحميد عبد اللطيف, العد التنازلي للأيام

“بحاول ف حدود المتاح
بحاول أفهم
بحاول أحلم بـ اللي جي
و ساعات أقلب ف اللي فات
مفهمش
أنا كنت ميت و لا حي!
و ساعات كتير
و أنا ماشي ف شوارع الذكريات
أبص ع المكان وأضحك
و ساعات مابصش عشان مابكيش
لكن ببكي
ساعات بحب أحكي
ساعات مبتكلمش
و أبص لصورتك ف محفظتي و أقول
اللي خلقك خلق غيرك
هقطعها
و ساعات لساعات أبص ف عينك وأقول
ده غيرك انتِ ما في زي
و أحس إن أنا قاعد تحت شجرة ف الجنة
و أحس إن أنا ف النار
لكن الأصعب إني أحتار
و أكون ف النص
لا أنا عارف
طب أنا عاقل ولا مجنون
راجع ولا بتقدم
جاني ولا مجني عليه
عايز مين وعايز إيه؟
وليه دايما
برسم لوحتي و تعجبني
فأقوم دالق عليها الحبر!
عرفت كتير و فارقوني
لكن عمري ما أفارق حد
و أهزر كتير جدا
و مهزرش وقت الجد
ساعات أنام ثواني ف شهر
و ساعات أنام بالشهر
و العب مع نفسي كر و فر
و تكسبني و مكسبهاش!
و أرمي نفسي علي سريري
و نداهة ف تفكيري بتندهني
لكن مبندهاش!
فأنام و لو صحيت حي
بحاول ف حدود المتاح
و بحاول أفهم
و بحاول أحلم بـ اللي جي!”
― عبد الحميد عبد اللطيف, العد التنازلي للأيام

“الشوشرة ساعة الصفاء
عمرها ما تصيبك
لو انت ف حالة رضا وإكتفاء
والدوشة اللي عمالة
ف راسك شغالة بتزعجك
وبتسمعها وسايب
النغمة اللي بتعجبك
ده ف حد ذاته غباء!”
― عبد الحميد عبد اللطيف, العد التنازلي للأيام

“فاكر لما
وسط العيلة ووسط اللمة
فتحت كراسة الإملاءة
وبص يا بابا بص يا جدو
أنا جبت عشرة علي عشرة
وخدت النجمة
فاكر لما
كنت بتحب الكارتون
ولا تسأل يا دنيا إيه فيكي
فاكر النينجا وكابتن ماجد
ومجلة ميكي
فاكر لما
الليل كان ييجي
وتتنطط علي السرير
وتنام يا سلام من غير تفكير
ولا حتي أسئلة كتير
ملهاش أي إجابة
فاكر لما
مكنش في هم
ويبان الناس عندها دم
ولما كان ممكن لساعات
مبسوط بتراقب ف سحابة
!فاكر”
― عبد الحميد عبد اللطيف, عصافير الجنة

“الفرشة صباعك واللوحة إزاز
ارسم قلب وسهم واكتب حرف
اسند راسك واسرح وأما تخلص
شخبط ع الإزاز بالكف”
― عبد الحميد عبد اللطيف, العد التنازلي للأيام

“كفاية تجرجر الماضي
وتكرر اللي انقضي
وكلامك المليان
ليه تقوله للفاضي؟
!وانت عارف رد الصدي”
― عبد الحميد عبد اللطيف, العد التنازلي للأيام

“كان نفسي اعمل كل حاجة حبيتها
مع اللي حبيتها
صورة اترسمت ف الخيال
وفضل الخيال بيتها
إيدينا المتشبكة وإحنا ماشيين ع البحر
وقلوبنا بتحلم تكسر الموج القوي
واتنفس من عينيها فأنسي المر
حتي لو كان المر
مر آوي
كان نفسي”
― عبد الحميد عبد اللطيف, عصافير الجنة