Jana

“تبّت يدا من ساب رفاق المعركة بطولهم
تمن القضية اللي اندفع مبقاش يجوز يرجع
تتعب تبص ف عين أصحابك الطايرةشوف مين من الأخر دفع ..
لو زيهم ... إدفع
تلت الرصاص نحو العدو .. تلتينه للخاين .
.الطعنة جاية من هنا مش من هناك
تعب النهاردة غير تعب بكرة .. الوقت مش دايمًا معاك
تحتك فيه ناس عاوزة الأمل .. مش عاوزه؟سيبهولهم ..”
― مصطفى ابراهيم

“بعد أيام اكتشفتُ أن الشجرَ كالبشر ، حين تُضيَّع الفرصة الأولى للقائك بهم .. حين تترك أحدهم خلفك ، قد لا تعثر علية ، ثانية ، أمامك”
― إبراهيم نصر الله, أقل من عدو أكثر من صديق: السيرة الطائرة

“كنت عاقلا، و مثقفا و طالبا في الدراسات العليا، و كل شيء يبدو علي ما يرام، و في الداخل صحراء فيها كائن قاعد علي ركبتيه في الفراغ و "يأكل قلبه" كما يقول الشاعر الإنجليزي, فسألته "هل هو مر؟"
"مر جدا يا صديق”
― حسين البرغوثي, الضوء الأزرق

“الصورة قصادك ممدودة...
و مش محدودة...
بالطول و العرض...
و البرواز ضلعه الفوقاني...
ف السما....
و التاني مساوي الأرض...
و بما إنك حيلتك بس عينين...
ف قصادك حل من الإتنين...
يا تقرّب جامد م الصورة...
و تاخدلك كادر تركز فيه...
و تعيش حكاويه...
و ساعتها مفيش..
و لا كادر يعيش...
و يكونله لزوم...
غير كادر الزووم...
أصغر تفصيل ف الصورة يبان...
ريحة الدنيا و طعم الأحداث...
الفرق ف تدريج الألوان...
شكل التجاعيد ف وشوش الناس...
ف تعيش مستمتع بالتفاصيل...
الجهل... جميل...
بيقربلك سقف النشوة...
و الحزن كمان...

أما لو اخترت إنك تبعد...
و تشوف المنظر من برة...
حتغطي عينيك كادرات أكبر...
و حاجات أكتر...
لكن أحجامها بقت أصغر...
م الأول ميت مليون مرة...
تكتشف إنك...
مبقتش في حاجة تأثر فيك...
و لا بتبكيك...
مبقتش بتزعل تقريباً...
و الدنيا بقت أبيض فاقع...
و إن انت بقيت إنسان ساقع...
مبقيتش بتضحك بالساهل...
و لا حاجة ف نظرك تستاهل...
تتمنى ساعتها تعود جاهل...
ف تلاقي الزووم...
كان رايح بس...
و لجل النحس...
مفيش راجع.”
― مصطفى إبراهيم, ويسترن يونيون فرع الهرم