Mostafa Kamal

“في حاجات لازم... علشان نعرف....درجة قوتها...بنكسرها

وحاجات ف ادينا... عشان نعرف.... اننا عايزينها ....بنخسرها

كدّبت ف عمرك كام صاحب

علشان كان نفسك تتطمن ؟

وخسرت اصحابك واتطمنت

طب كام بالون فرقعوا منك

وإنتا بتنفخهم ع الاخر؟

وعرفت اخرهم بس ندمت

دلوقتي فهمت

أنا عاوز إيه

ونا كنت بفرقع بلالين ليه

أنا عاوز حاجه بدون آخر

أو حتى بآخر ما اوصلّوش

كام حيطه ف ضهري

اضرب واهري

ف بدنهم بس ما يتهدوش

شيء مش مغشوش

مضمون دايما

من غير ما احتاج إني اتأكد

أو حتي اخاف إني اتنكد

لا يكون ف الاخر برضه فاشوش

يا بشر عرفاني وعارفه أنا مين

بلغوا اسفي لكل البلالين

كلنا كنا ف يوم بالونه

فقعتنا تجارب بني أدمين

بلالين عايشين نفسها تلقي

حد يصدق ويقدرها

متأكد من إنه عاوزها

من غير مايجرب يخسرها”
― مصطفى إبراهيم, ويسترن يونيون فرع الهرم

“ان الفن هو اخر مؤهلات السينما فى مصر و سكفى الجمال و الجمال فقط”
― احسان عبد القدوس

“يجب أن يتعود المدرس أو المدرسة على أن يعارضه التلاميذ والتلميذات ويختلفون معه في الرأي ومن خلال المناقشة يحدث الاقتناع وليس من خلال الطاعة والأصول والأدب .
إن المثل الشائع في مجتمعنا الذي يقول بأن من علمني حرفًا صرتُ له عبدًا يجب أن يتغيّر . فالعبد لا يستطيع أن يناقشَ سيده أو يختلفَ معه في الرأي.”
― نوال السعداوي, المرأة والجنس

“قال الكلام ده ثم حَط الكاس...
(الغياب هو الغياب)
و الذكرى ف قلوب الصحاب.. أبقى
أبقى النهارده معاكم بُكرة مش هَبقى
و الدنيا سابقة.. بخطوة كل الناس
حتى أنا...
قفشت نفسى من يومين بَضْحك...
و انتا ما كمّلتش يا صاحبى ف التراب .. أول سَنة
و حِلمت بعديها بساعة الصالون..
و بإن عقاربها أبتدت تاكلك ..
و إنى براجع م الصور شكلك..
حتى هدومك نِسيت الريحة ..
ما اعرفش خايف أصدق .. إن أنا نسيتك
و لَّا إنى بُكرة مسيرى هتنسى .. زَيَّك؟”
― مصطفى إبراهيم, المانيفستو