Myriam

“تخيّل نفسك شجره
و اثبَت لإنك شجره
ضارب فى الأرض مسافه
وثابت
وانت أدرى.
تخيّل نفسك نور
و اِعمى لإنك نور
أنا كنت سور البير
و صَبحت جير السور.
تخيّل نفسك باب
وافتح لإنك باب
على دنيا أصلا طريق
وبينتهى بسرداب.
تخيّل نفسك ليله
واِطول لإنك ليله
و النور سقفك ..تعالى
مهما تِطول دى ليله.
تخيّل نفسك ورده
و اِزهى لإنك ورده
كل الالوان قصادى
بس الريحه واحده.
تخيّل نفسك حلم
و براحتك ماانت حلم
التتر آخر حاجه
فى دنيا أصلا فيلم.
تخيّل نفسك بيتها
و اِدفى لإنك بيتها
واِن دقت راحتها فيك
اِعرف إنك حبيتها.
تخيّل نفسك مرّه
ماتخافش جرّب مرّه
الدنيا ماشيه أسيره
فى الوقت
وهيا حُرّه.
تخيّل نفسك باقى
و اِحزن لإنك باقى
و اِحلم تلقالك حاجه
و أتحدى لو تلاقى.
تخيّل نفسك جنبى
و اِلزق لإنك جنبى
الجسم ده مش ملكى
والغنوه دى من قلبى.”
― عمر طاهر

“إن الثقافة تعني تحول الكائن من مجرد الوجود الطبيعي إلى الوعي بهذا الوجود”
― نصر حامد أبو زيد

“مش مهم انك تغير الكون... المهم انك تخلي الكون ما يغيركش”
― عمر طاهر

“العلمانية ليست إلحاداً .. العلمانية تعني (فصل السلطة السياسية عن السلطة الدينية) وليس حتى فصل السياسة عن الدين”
― نصر حامد أبو زيد