shaymaa osama

“تفرانيل 100
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”
― مصطفى إبراهيم, المانيفستو

“إني اتكلم عن نهاية الليل
عن نهاية العتمة
عننهاية هذا الليل
ان جئت الى بيتي ، اجلب لي ايها الحنون سراجا
و نافذة صغيرة
لانظر منها
الى زحام الزقاق السعيد”
― مصطفی مستور, روی ماه خداوند را ببوس

“اسأل هذه السجادة يا بني كم كنت أغرقها دعاءً و دموعًا لعلك لا تعرى ولا تجوع ولا تحزن ..”
― محمد حسن علوان - سقف الكفاية

“ان كل خيار صالح كالسير فى الضباب، كلما خطوت خطوة كلما اتضح الطريق أكثر.
لحسن الحظ ان الوجود سخي بحيث يهبك دائما فرصة متجددة ، لتبدأ من الصفر
فاذا كنت بصدد اختيار و اخترت الصالح ، سيتضح لك الطريق قليلا.
فى المرحلة التالية قد تواجه شروطااكثر تعقيدا ، تملي عليك الاختيار مرة اخرى.
هذه الخيارات مثل الدهاليز المتداخلة ، ستجدها دائما فى طريقك .
و مع كل خيار ستزداد سرعتك اكثر و اكثر بحيث تستطيع احيانا التقدم بسرعة الضوء ، و فى المقابل كل خيار طالح سيقلل من سرعتك .
و اولئك الذين يقدمون دائما على الخيارات الطالحة ، سيصير وضعهم مؤسفا بعد مرحلة قصيرة.
سيتباطأ مسيرهم حتى يتوقفوا تماما ، ثم يشرعون بالغوص ، يغوصن فى مستنقع خياراتهم حتى يدفنوا بالكامل .
لهؤلاء طبعا فرص نجاة لكنهم مضطرون الى المكابدة لوقت اطول حتى يعودوا الى السطح ثانية”
― مصطفی مستور, روی ماه خداوند را ببوس