Alaa Salah

“على قد ما حبينا وتعبنا ف ليالينا
الفرحة ف مشوارنا تانى ح تنادينا

طول ما القلب صافى بحر العشق وافى
وكل عذاب الدنيا ح يروق بكرة لينا
بس امتى أمانينا ع الحلم ترسّينا

بين أيوه و لا..الحب بنلقاه
ما أحلى الحياة بصحابنا وأهالينا
بس امتى ليالينا تيجى وترسّينا

لو تروق حيجينا كل ما إتمنينا

لو ممكن تطيب أحزان الحبيب
شمس الحب تطلع من بعد المغيب
وعذاب الحياة لمّا نكون وحدينا

ليه ما نكونش ذكرى فى الليلة الجميلة
ليه ما نكونش غنوة فى الرحلة الطويلة
دا احنا ياما شقينا من يوم ما إتنسينا

لو تروق حيجينا كل ما اتمنينا

على قد ما حبينا وتعبنا فى ليالينا
الفرحة فى مشوارنا تانى ح تنادينا”
― عبد الرحيم منصور

“انساب وليه تنربط
ياللى ف ضهرك جناح
احزن عشان تنبسط
وموت علشان ترتاح
دا الموت يعيدك لأصلك
بس انت موتك معصلج
ياللى انت وشك غريب
ياللى انت قلبك محاصرك
انساب و ليه تنربط
ياللى فى ضهرك جناح
احزن عشان تنبسط
و موت علشان ترتاح
امشى فى حظر التجول
واضحك فى عين التسول
تعتـر على المفتــاح
انساب”
― ميدو زهير

“She was free in her wildness. She was a wanderess, a drop of free water. She belonged to no man and to no city”
― Roman Payne, The Wanderess

“ضايع منى إزازة الميه
و مش راضية الطيارة تطير
راح الصبر و رجع الصبر
و تعب القلب و لسه كتير
آه يا تى شيرت العمر ياأبيض
لفيت بيك مشاوير مشاوير

أملك صورة أنا فيها صغير
شكلى اتغير ما عرفتوش
كان فى جيوبى مكعب سكر
داب السكر ما لقيتهوش
و امّا اتقطعت منى الساعة
وقع الوقت لاقيتنى كبير

أعرف واحد قال لواحد
إهمل صاحبك و اقسى عليه
واحد قال للواحد نفسه
انت مزعل صاحبك ليه
واحد حاول يعرف واحد
طلع الواحد صفر كبير”
― ميدو زهير