Heba S Mohamed

“ثم دارت اللمونة
دورة كاملة… ثم داخت
ثم جه إخوانّا ولامونا
ثم إن الثورة باخت
ثم هُمّا هُمّا برضه
اللى باعوا الطول وعرضه
يِصحُوا يتخانقوا ويعارضوا
ثم إن الرِّيحة فاحت
ثم مش نازلين معاكو
ثم إن الجيش حمونا
ثم تاخدوا على قفاكو
ثم دارت اللمونة…….
ثم قال حانزل لوحدى
ثم دقن ف كل حتة
ثم يعمل مليونية
ثم يمشى الساعة ستة
ثم يعمل فيها عنتر
ثم ياخد علقة سخنة
ثم حيخزوقنا عسكر
ثم يطلع من نافوخنا
ثم فيه أصلا مؤامرة
ثم ناس مش لاقية تاكل
ثم تيت الثورة حمرا
إحنا مش عايزين مشاكل
ثم دارت اللمونة
دورة أكبر… ثم دخنا

ثم فجأة الكل يتعب
ثم إن الجيش حيقتل
ثم إحنا حمارنا يغلب
ثم جيم الدومينو يقفل
ثم مصر عاوزة زَقَّة
ثم ناس ماتقولش لأه
يركبوا عَ الثورة تانى
ثم نخسر… ثم نكسب”
― مصطفى إبراهيم

“مَثلُ الذين بِيمشوا ع الكتالوج
و بِيعملوا المطلوب .. مِن غير ولا غلطة
مَثلُ الذين بِيركبوا المترو
و ما يركبوش اتناشر و أربعة بشَرطة
لاتنين ما بِيحبوش .. القعدة ع الدكة
و بِيكسبوا وقتهم
و بِيخسروا السِكَّة”
― مصطفى إبراهيم, المانيفستو

“هذه حالة يُغلق فيها الإنسان مشاعره تماما، كي يتمكن من التماسك وعدم الانهيار، وهي تصيب ضحايا هذا النوع من العنف, و الناجيين من المآسي الكبرى. حتى عمال الإغاثة الإنسانية يصابون بدرجات منها دون أن يدرون. ويظلون هكذا , يتنقلون من مأساة لأخرى وهم يظنون أن مشاعرهم قد تبلدت ثم ينهارون مرة واحدة.. نقول إنهم "احترقوا كالمصابيح”
― عزالدين شكري فشير, عناق عند جسر بروكلين

“بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها”
― مصطفى إبراهيم