eset

“الطبيب: تقدر تقول لى النهارده إيه؟
المجنون: النهاردة السبت يا دكتور.
الطبيب: وبكره؟
المجنون: بكره السبت برضه يا دكتور.
الطبيب: يعنى النهارده السبت وبكره السبت؟! أمّال الأحد يجي امتى؟
المجنون: الأحد يجي لما نحس إن النهارده اختلف عن إمبارح، لما نحس إن الدنيا اتقدمت بينا خطوة، لما عدالة النهارده تبقى أكتر من عدالة امبارح، لما نحس إن ظلم النهارده أقل بكتير من ظلم إمبارح، لما نحس إننا لاقيين مكان فى أتوبيس، لما نحاسب المسؤول وهو لسه مسؤول، لما نحس إننا اتقدمنا خطوة أو اترقينا سنتي.. يجي الأحد يا دكتور.”
― يوسف إدريس, المهزلة الأرضية

“الحدث الهائل كان حدثا هائلا بالأمس لاننا كنا نحياه ونواجهه
أما وقد مر بنا فقد أصبحنا جزءا من تاريخه كما أصبح هو جزءا منا، نتوءا هنا أو أثر لجرح هناك. أثر لا يختلف عن بقية كياننا وجسدنا إلا في اختلاف لونه وبروز سطحه والألم الذي يصدر عنه اذا نحن بوعي لمسناه”
― يوسف إدريس, العيب

“أكتب لأول مرة لأقول أنى مرعوب
يرعبنى أن أكون مازلت أحبك
و يرعبنى أكثر أن أكون شفيت من حبك
فعندما أحبك لا أستطيع حبًا غيرك وإن كففت عن حبك وشفيت فأنا لا أستطيع حبًا بعدك فمن حبك أحب و لأنى أحبك أشتهى الحب وبحبك تنقلب الحياة جحيما وبغير حبك يصبح الجحيم هو الحياة
فماذا أفعل؟
أيتها الحبيبة -الجنة النار- بلدى .. ماذا أفعل؟”
― يوسف إدريس

“أنــا دبــت وجزمتـى نعلهـا داب
مــن كتــر التدويــر عَ الأحبـاب
يـا سلمـلم لــو أعتــر فـى حبيب
ده أنا أرقـص من كتـر الإعجاب
كدهه ! كدهه ! كدهه !
أنـــا قلبـــى مزيكـــه بمفاتيـــح
من لمســه يغنــى لــك تفاريــح
مــع إنــى ما فطرتــش وجعــان
ومعـــــذب ومتيـــــم وجريــــح
باتنطط واتعفرت واترقص كدهه
كدهه ! كدهه ! كدهه !
بيانـــولا وألابنضـــه وحركــات
أطلعى بقى يا نصاص يا فرنكات
أنـا عازمـك يا حبيـبى لما ألاقيك
علـى فسحـة فى جميـع الطرقات
نتنـطط نتعـفـرت نترقـص كدهه
كدهه ! كدهه ! كدهه !”
― صلاح جاهين