Omar Gamal (Cairo, 11, Egypt)'s Recent Status Updates Showing 1-30 of 38

Omar Gamal is on page 320 of 362 of المرحوم

وصلت لأقصي درجات الملل ... علي فكرة الكاتب اسلوبه حلو بس مطول علي الفاضي , بيهلك كتير وبيدخل قصص في قصص وبيطول أوي في التفاصيل

الرواية ديه حقيقي لو أقصر من كده وأختصر الاحداث المتداخلة ديه كلها كانت غالباً هتبقي أحسن بكتير :/

هانت :/

— Dec 14, 2014 02:04PM Add a comment

Omar Gamal is on page 175 of 362 of المرحوم

Still reading :@ :@
هو انا اتقفلت ومش مستني جديد بس مكمل :/

— Dec 08, 2014 10:05AM Add a comment

Omar Gamal is on page 113 of 362 of المرحوم

قربت من نصف الكتاب وبقي احساسي كله ملل مش طبيعي

مفيش حاجة شداني اعرف باقي الرواية او اللي هيحصل او حتي الشخصيات مش فارقة معايا خالص

بس هكمل برضه ... لمجرد اني مبحبش ابدأ كتاب ومخلصهوش :/

يمكن يحصل حاجة تشدني بعد كده :/

— Nov 30, 2014 11:37AM Add a comment

Omar Gamal is on page 60 of 362 of المرحوم

اول ما قريت الكتاب حسيت بملل وكنت ناوي اني مش هكمله وقعدت يومين مقريتش حاجة بس بعد كده قررت اكمله

القصة شداني بس مش بالشكل القوي اللي يخليني اكمله

بس عموماً بحب الغموض في الروايات وده اللي شاددني اكمل

فهكمل :D

— Nov 28, 2014 12:23PM Add a comment

Omar Gamal is on page 160 of 215 of برما يقابل ريا وسكينه

الكتاب رائع بكل ما تحمله الكلمة من معني :)
نادراً ما بيعجبني كتاب مكتوب قبل الثورة لانه بيحكي فترة انا مكنتش مهتم بتفاصيلها اوي بس حقيقي المرة ديه عجبني جداً
عاجبني كمان انه كان بيتكلم علي سلبيات بدأت تظهر في الفترة ديه وبقيت أقارنها بوجود الحاجات ديه دلوقتي وايه اللي اختفي وايه اللي انتشر :D
اسلوب عمر طاهر بقي مش محتاج كلام ... رائع رائع رائع :)

— Nov 07, 2014 11:45PM Add a comment

Omar Gamal is on page 40 of 215 of برما يقابل ريا وسكينه

الكتاب بما انه تم كتابته قبل الثورة فهي ذكريات الواحد بيسترجعها مع الكتاب

فيه حاجات الواحد افتكرها واتحسر لان الوضع دلوقتي بقي اسوء واسوء واسوء

الكتاب لسه مش باين له ملامح بس عمر طاهر اسلوبه حلو وممتع

مستمتع حتي الان :)

— Oct 28, 2014 01:19PM Add a comment

Omar Gamal is on page 200 of 266 of السنجة

الكتاب لحد الان حلو جداً مع اني مبحبش والروايات اللي بيتم سردها بلغة عربية فصحي بس انا مشدود اوي للرواية ديه

الكاتب مبدع فيها جداً والكلام حلو لاقصي درجة , ده غير ان القصة نفسها شداني وعايز اعرف هتخلص علي ايه

بيميزها الغموض وربط الاحداث بالجمل اللي بيتم تكررها طول الوقت

كل شخصية في الرواية عاجبني غموضها واني لازم اركز في الكلام عشان اربط الاحداث ببعض

الكتاب حلو اوي لحد دلوقتي واتمني يكون كده لحد اخره :)

— Oct 05, 2014 02:03PM Add a comment

Omar Gamal is on page 25 of 127 of حكايات فرغلي المستكاوي: قصتي مع عبعزيز

— Sep 06, 2014 05:29AM Add a comment

Omar Gamal is on page 25 of 127 of حكايات فرغلي المستكاوي: قصتي مع عبعزيز

انا كان عندي استعداد اخلص الرواية ديه وانا رايح الشغل النهاردة الصبح بس خوفت الناس اللي في الميكروباص يفتكروني مجنون اقسم بالله :D

انا هلكت ضحك من ال25 صفحة دول وانا جاي في الطريق

اسلوب الكاتب تحفة وتحس انك في فيلم كوميدي مش طبيعي من كتر الضحك

قررت اكمله في البيت علشان افطس ضحك براحتي في اوضتي :D

غالباً هخلصه النهاردة بالليل او بكرة بالكتير اوي :D

— Sep 06, 2014 05:29AM Add a comment

Omar Gamal is on page 60 of 133 of نيكروفيليا

الكتاب غريب بصراحة

مش بحب نوعية الكتب ديه .... لو الكتاب مصنف علي انه رعب يبقي انا مترعبتش خالص بصراحة

عندي شغف اعرف نهاية الموضوع

مش بحب كمان الكتب يبقي مزج بين الفصحي والعامية ... ما هو يا كده يا كده , انما شغل كلمة كده وكلمتين كده ده ممل بصراحة

عموماً انا مكمله لاخره علشان اعرف النهاية :)

— May 21, 2014 03:36PM Add a comment

Omar Gamal is on page 139 of 224 of تاكسي: حواديت المشاوير

ممل بدرجة رهيبة , فيه كتب اكتر بكتير في وصف حالة المجتمع

يمكن فعلاً التاكسي وسيلة قياس بس في زماننا ده الواحد مبقاش يقيس غير بمزاجه

لحد دلوقتي مفيش غير حوار مع ماسح الاحذية هو اللي عاجبني والباقي بطاطا خالص :(

بصراحة بكمله علشان مبحبش ابدأ كتاب ومخلصهوش وعلشان احكم علي الكتاب ككل مش لحد ما انا قريت بس :/

— Apr 10, 2014 01:50PM Add a comment

Omar Gamal is on page 103 of 224 of تاكسي: حواديت المشاوير

ممل , مضحكتش , عادي , مفيهوش جديد

يمكن الكتاب علشان قديم محسيتش كلامه اوي وكمان حسيته مأفور في كذا حتة وحاسس انها مصطنعة

فيه مقطع بيقول فيه انه كان رايح شارع الاهرام وبيقول انه اتحشر في الزحمة وكانت كلية الزراعة علي شماله وجنينة الحيوانات علي يمينه وده مش اتجاه شارع الاهرام خالص :D

فحسيت انه فيه شئ من الاصطناع مش بسبب الموقف ده بس بس انا خلصت لحد دلوقتي نص الكتاب ومش حاسس باي اضافة او حاجة فكاهية بتاتاً :/

— Apr 09, 2014 03:57PM Add a comment

Omar Gamal is finished with في أوروبا والدول المتخلفة

تم بحمد الله :)

كتاب رائع ,جميل ,ممتع ,شيق ,مش ممل بتاتاً ,مفيهوش قلة ادب من اي نوع ودي طفرة :D

الكتاب مفيد جداً لاي حد عايز يتعرف علي تجارب البلاد اللي شبهنا في الظروف وازاي طلعوا من الضلمة للنور في فترات متفاوتة

البرازيل , ماليزيا , جنوب افريقيا , تركيا
كلها دول بلال فضل خدنا في جولة ورانا البلاد ديه كانت عاملة ازاي وخرجت لحاجة عاملة ازاي :)

من اروع ما قرأت :) <3

— Apr 07, 2014 02:10PM Add a comment

Omar Gamal is on page 153 of 220 of في أوروبا والدول المتخلفة

بلال فضل كالعادة عقدني اكتر في الكتاب

خرجنا من التجربة البرازيلية وقولت خلاص مش هتعقد اكتر من كده

دخلنا في تجرية جنوب افريقيا ودهاليزها واتعقدت اكتر واكتر وخلصناها

راج مدخلنا دلوقتي في تجربة تركيا وعمال اتعقد وانبهر في نفس الوقت

جري ايه يا عم ... مالبراحة علينا يا عم الحاج :D

ده انا قربت انتحر من اللي بقراه ده :D

حقيقي روعة ومشوقني اكمل واجيب كتب تانية في التجارب ديه كلها :)

Hats Up :)

— Mar 30, 2014 01:32PM Add a comment

Omar Gamal is on page 100 of 220 of في أوروبا والدول المتخلفة

بلال فضل مصمم يخرجنا من عقدة لعقدة

بعد ما الواحد طار بالتجربة البرازيلية وفرح بيها وبقيت بحلم ازاي هنحققها علي ارض الواقع في مصر :O

راح داخل علي تجربة ماليزيا ومهاتير محمد بحيث اننا نتعقد اكتر واكتر :D

مكملين ومش زهقانين

رائع بجد :)

— Mar 19, 2014 12:59PM Add a comment

Omar Gamal is on page 70 of 220 of في أوروبا والدول المتخلفة

الكتاب شيق وممتع بدرجة كويسة :)

فيه مقالات حلوة اوي وخصوصاً اللي عن التجربة البرازيلية وبسببها قررت اشتري كتب بتتكلم عن البرازيل وكيفية تحولها لدولة بالمنظر ده وبرضه الكلام عن جنوب افريقيا حلو اوي والكتاب فيه تجارب لحد دلوقتي تم سردها بشكل ممتع جداً

مستني اكتر في بقية الكتاب علشان يبقي زي ما توقعت :)

— Mar 17, 2014 12:42PM Add a comment

Omar Gamal is finished with الحقيقة الكاملة

مبحبش الرواية تبقي مكتوبة باللغة العربية وشغل نعم سيدي وهاك ذاك والشغل ده , هي دماغ
الكتاب معجبنيش جملة وتفصيلاً وحاسس اني كنت بتفرج علي فيلم عربي قديم زي شغل الرجل الثاني بتاع رشدي اباظة
الكتاب كان واخد حس علي الفاضي زي كتب كتير

ياللا الواحد مبيتعلمش ببلاش

نصيحة للكاتب
اسف لو رايي كان شديد حبتين , ممكن تغير اسلوبك هتبقي احسن ان شاء الله :)

— Feb 11, 2014 11:13AM Add a comment

Omar Gamal is on page 35 of 208 of الرجال من بولاق والنساء من أول فيصل

لحد دلوقتي الكتاب لذيذ نوعاً ما وفيه بعض الجمل اللي فصلتني ضحك ولحد دلوقتي واقعي بشكل كبير وبيتكلم في حاجات موجودة في حياتنا فعلاً , يا رب باقي الكتاب يبقي اجمد بقي :D

— Nov 19, 2013 02:54PM Add a comment

Omar Gamal is finished with تراب الماس

حاجة كده فخيمة فخيمة فخيمة من هنا لبكرة
بغض النظر عن السفالة المحطوطة في النص بس بجد حاجة مشوقة لاقصي الحدود

النسخة ديه كبيرة علشان انا جايب الكتاب الصغنون مش الكبير :D

— Oct 02, 2013 05:33AM Add a comment

Omar Gamal is on page 200 of 389 of تراب الماس

الموضوع دخل في الغويط وبقيتمش قادر افوت يوم من غير ما اقرأ كعادتي مع روايات أحمد مراد
ده غير ان قلة الادب قلت شوية :D

— Sep 27, 2013 12:29PM Add a comment

Omar Gamal is on page 96 of 389 of تراب الماس

القصة شاداني كالعادة وشخصية طه عاجباني وحاسس ان لسه فيه كتير :)

بس انا نفسي اقرأ رواية لاحمد مراد مش سافلة كده :@

— Sep 23, 2013 11:58AM Add a comment

Omar Gamal is on page 22 of 389 of تراب الماس

لسه بستكشف :D

— Sep 21, 2013 06:32AM Add a comment

Omar Gamal is on page 15 of 266 of زمن الغم الجميل: يوميات مواطن مصري قبل الثورة

لسه بتعرف :D

— May 06, 2013 06:04PM Add a comment

زمن الغم الجميل: يوميات مواطن مصري قبل الثورة

Omar Gamal is on page 235 of 356 of صندوق الدمى

الكتاب مرعب بطريقة لذيذة لدرجة اني ساعات بتخض من حاجة بتتحرك جنبي او شنطة بتقع ورايا :D

الرواية دخلت بيا في منحدر خطر وانا مقلق بس الوضع حتي الان مسيطر عليه :D

بس اجمالاً حتي الان الرواية ممتعة جداً :)

— Apr 14, 2013 04:21PM Add a comment

Omar Gamal is on page 140 of 356 of صندوق الدمى

خلصت باب الرسايل وباب الصور ودخلت في اللي بعده كمان والكتاب فكرته حلوة اوي وعاجباني علشان جديدة شوية :D

كان نفسي يبقي استايل الكتاب ان رنا بتحكي مش الكاتب بيتوقع , انا عارف ان الاتنين واحد كده كده بس اعتقد كانت هتبقي محبوكة اكتر :D

بهيس بهيس :P

— Mar 26, 2013 09:53AM Add a comment

Omar Gamal is on page 82 of 356 of صندوق الدمى

الكتاب مشوق بطريقة مش طبيعية

لولا اني بقراه وانا في المواصلات كنت اترعبت فعلاً

للحظات لما حاجة بتخبط جنبي بتنفض وبفتكر اني في قلب الحدث :D

في البداية حسيت بملل شوية من الرسايل بعدين لقيتها مشوقة جداً وعايز اعرف نهايتها ايه

خلصت باب الرسائل وداخل اهو علي باب الصور :D

ربنا يستر :/

— Mar 25, 2013 01:41AM Add a comment

Omar Gamal is on page 55 of 181 of باط مان

مش قادر ابطل ضوحك بجد

افيهات غير طبيعية واسلوب رائع بجد

الكاتب مركز علي كلمات ومستخدمها باسلوب روعة

ابتديت اقراه وانا في القطار للاقصر والناس افتكرتني مجنون علشان بضحك بالطريقة ديه في القطر :D

مكمل مكمل

— Mar 16, 2013 03:32AM Add a comment

Omar Gamal is on page 90 of 323 of ليلى: بين الجنة والنار

خلصت الباب الثالث بس تقريبا الباب الثاني هيكون اجمل فصل في الكتاب كله:)

دكتور خالد قال ان هدفه في الباب الثاني التشويق الي الجنة وفعلا حقق الهدف ده :)

عموما لحد دلوقتي الكتاب رائع فعلاً

— Mar 09, 2013 12:13PM Add a comment

Omar Gamal is on page 70 of 323 of ليلى: بين الجنة والنار

قررت ابدأ بالجنة وبعدين ابقي اخد جولة في جزء النار

وصف الدكتور خالد كأنه حاجة كده وديتنا رحلة للجنة وجابتنا تاني كوكب الارض :D

الكتاب وصفه فوق الخيال فعلاً

— Mar 07, 2013 08:58AM Add a comment

Omar Gamal is on page 10 of 323 of ليلى: بين الجنة والنار

— Mar 06, 2013 11:14AM Add a comment

Omar Gamal > Recent Status Updates