Mostafa Agha

“الإنسان غالباً ما يكون وحيداً في هذا العالم”
― Robert Seethaler, Ein ganzes Leben

“هيحزّموك...
زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
يدوسه عَجَل الميكروباص
النظام العالمي بيقتل
أوقات كتير ..
من غير رصاص
الهوا ..
هيحَصّل المَيّة اللي بقت ماركات
تعددية تعني تعدد الشركات
حرية تعني حق فتح القفص ..
على الناس اللي ملهاش باب
الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص
حياتك.. مهمة لبياعين الحلم
وفاتك.. مهمة لبياعين القُرَص
حسابك حتى في قبرك ..مهم
رخصة الجنة مهمة لبياعين الرُخَص
و لبياعين الدين
و لبياعين الآخرة اللي هتنصف المساكين
“العالم بيتطوّر” ..
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر.. بتمشي..
من إيد صحاب الجنة..
لصباع صحاب البندقية..
لجيوب صحاب البنك…
دم الغلابة بيتحرق ف التانك…
شامم ريحتهم و انتا بتفوّل ؟…
الغرب هيموّل..
إعمار ِبيار النفط..
لضمان زيادة منسوبات الشفط…
و ضمان بقائك عبد متسوّل…
يا زميل الكوكب المنكوب..
رَكب الحضارة ماشي بالمقلوب…
يا زميل المنطقة المنكوبة…
رَكب الحضارة كان لازم له ركوبة…
العالم .. بيتطوّر…
و انتا شمعة بتتحرق علشان .. برج التجارة ينوّر..
..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة..
هتعيش حمار و تموت حمار…
أخرك تحس بإنتصار لما…
بتولّع الأعلام..
و تدوس على صورة إصحاب الدولار و القرار بالجزمة..
القناة ..
في نشرة الأخبار..
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ
الميديا بائع حق… متجول..
بشرى لابناء العالم التالت م العالم الأول
بشرى لابناء العالم الهمجي م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف… ابو طلق من غير صوت
فيه الجيوش ما بقوش.. لابسين هدوم ميري
و الطيارات …ما بقتش بتوّّزع منشورات اليأس
و البنوك ..مش هيسيبوك تتحبس …بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك… زي اللعيبة ف الماتشات
عالم جديد ..
هتخشه بمزاجك قبل ما نزُقّك
الكهنة فيه.. لابسين بدل و كرافتات
هيأكِّلوك الحقيقة بمعلقة ف بقك
و كسر حُقّك ياللي مش عايز
عالم ديمقراطي رأسمالي سعيد
الشركة فيه…
اقوى من الاوطان
غضبان ؟…أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان
لكن هتعمل إيه …معذور
أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا…
و بتعمل جِميل فيهم..
فيها الخير يا هل ترى ولّا فيها فلوس؟
أمريكا فيها الحلم
و بلادنا فيها كابوس
الناس تخاف ..
امريكا تحميهم..
الناس تجوع..
امريكا تديهم ..
تِكسي بالإيد اليمين اللاجئين …بعد ما إيديها الشمال تعرّيهم
شركة بتهِدّ البلاد و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول…
العالم بيتقسّم بيوت…
العالم بيتقسم لبني آدم و لبنكنوت…
مكتوب على شهود البلاد…
الممسوحين بأستيكة…
أنتَ حر …
ما لم تضر…
أمريكا.”
― مصطفى إبراهيم, الصحبجية

“تعرّفت رفيقاً ذميماً اسمه القلق. لم أسأله مرافقتي ولم يستأذني في ذلك. قفز فوق كتفيّ مثل قردٍ مجنون ولم يفارقني بعدها قط. كلما طردته من كتف قفز إلى الآخر. وكلما طردته منهما معاً تعلّق بجذع شجرة بعض الوقت ثم لا يلبث أن ينقضّ على رقبتي مرةً أخرى. لم يتركني أهجع ليلةً حتى يجعل صباحها قاتماً مثل قرارة بئر. ولم أتنفس طمأنينة الصباح حتى يجعل الغروب يأتي مثل وحشٍ سيتغذى عليّ طيلة الليل. ضاقت في عيني الدنيا حتى لم أعد أرى شيئاً في حجمه الحقيقي. كل شر يبدو هائلاً ومخيفاً وكل خير يبدو طارئاً وضئيلاً. أرتجف في هدأة الليل أحياناً من فرط القلق مثل محمومٍ بدون حمّى. ويأتي الصباح وقد أنهكني التعب وكأن عينيّ لم تغمضا طيلة الليل. صغرت في عينيّ كل شؤون الحياة حتى صار ينقضي يومٌ بأكمله لا أقوم فيه بشيء إلا صلواتي. أسابيع تليها أسابيع والقلق هو محرك كل ساكن ومسكِّن كل متحرك في حياتي التي أضحت قاتمةً وشائكة. أهمّ بالشيء فأقلق منه فأتركه، وأكون بلا شغل فأقلق فأهمّ بأشياء”
― محمد حسن علوان, موت صغير

“ما الذي سيحدث في هذا العالم الواسع
إذا اضربنا عن اليأس ؟”
― رياض الصالح الحسين, أساطير يوميَّة