منة عبد الفتاح ’s Reviews > طبيخ الوحدة > Status Update

«أنا لسه راجعة من السوق واشتريت بطاطس وناوية أطبخ صينية بطاطس فى الفرن اللى بتحبيها»، «الله عليكي يا ماما واللهى ما باعرف أعملها زيك، إنت طبيخك لا يعلى عليه يا حبيبتي»، «طيب خلاص هاتى ولادك وياللا تعالى كلوا صينية البطاطس»، آاااا واللهى مش عارفة يا ماما هأقدر ولا لأ، ده أنا متخانقة انا وحسن جوزى ومستنياه يرجع عشان أشوف آخرتها إيه معاه ؟ »، « لسه برضو بصباص؟» واللهى هيموتنى بحسرتي يا ماما»، «بعد الشر عنك يا حبيبتي، بيت ابوكي مفتوحلك يا حنان أوعى ترخصى نفسك سبيله البيت وتعالى إنت وولادك يا حبيبتي».

«بيمد إيده عليه يا ماما حسن على آخر الزمن بيضربنى»، «هي وصلت للضرب..لا يا حبيبتي بيت ابوكي مفتوح تنوريه لغاية ما يعرف قيمتك.. هو فاكر إنه جايبك من الشارع؟ ده إنت تيجي وتاكلى أحسن أكل وولادك يعيشوا أحسن عيشة»..
تنتهى المكالمة لتتوجه إلى المطبخ، تغرف الأرز في الأطباق وتحولهم إلى طاولة الطعام. ستة أطباق من الأرز بعدد أفراد العائلة. تعود لتحمل صينية البطاطس ومعها وعاء السلاطة الكبير. ترصهم على الطاولة وعندما تطمئن إلى أن الملاعق والمغرفة ودورق المياه والأكواب في أماكنها أمام كل مقعد تسحب مقعدها وتجلس تضع قبضة كفها اليمنى أسفل ذقنها ثم تقول يمكن محمد يتصل وييجى والا حنان ترجع تتخانق مع جوزها وتجيب عيالها على هنا، ما أنا عارفاها مجنونة». تتأمل الصينية المستريحة فى منتصف الطاولة وأطباق الأرز المرصوصة على الأطراف بعدد أبنائها وأبوهم. تبتسم وهي تسمع صراخهم وأبوهم الذى يحاول أن يعلمهم آداب الطعام دون جدوى. تتنهد وتتمنى أياما كانت صينية البطاطس تجمعنا».

تعتبر دي القصه الوحيده اللي فيها وحدة محزنه فعلا ، وحده الأم بعد رحيل زوجها - موته وابناءها استقلالهم في بيوت بعيده عنها المشهد نفسه مؤثر ، ولازم الاولاد يعملو حسابهم علي حل ميخليش امهم ابوهم يحسوا انهم عبء عند كبرهم .

مع ذلك ، الأم هنا الدبة اللي قتلت صاحبها، عايزه بنتها تيجي عندها تسليها و تاخد بحسها بس بيتها يتخرب عادي

والكتاب كده كده بيشجع علي "استقلال" المرأه اي عيشها وحدها بعيدا عن أهلها لا لسبب الا اختلافها معهم فمش صادم بس هو غبي .

وطبعا حبشتكنات ضرب الزوجة رغم ان السياق ممكن يبقي ليه ۱۰۰ سبب و ۱۰۰ حل بس احنا حبكت معانا نحطه في سياق يخدم اجندتنا.

الخلاصة : أحيانا الاهالي بيبقوا سبب الغباء رغم كبر سنهم و خبرتهم نظريا ، وقد يكون أولادهم أكثر حكمه منهم ، فالواحد يبقي عنده رأي و قرار لنفسه قبل استشاره الناس وكل انسان الزمناه طائره في عنقه.

صنيه بطاطس كانت تجمعنا: 4/10