P.L. Deshpande > Quotes

“आयुष्यात मला भावलेलं एक गुज सांगतो. उपजिविकेसाठीआवश्यक असणाऱ्या विषयाचं शिक्षण जरुर घ्या. पोटापाण्याचा उद्योग जिद्दीनं करा, पण एवढ्यावरच थांबू नका. साहित्य, चित्र, संगीत, नाट्य, शिल्प, खेळ ह्यांतल्या एखाद्या तरी कलेशी मैत्री जमवा. पोटापाण्याचा उद्योग तुम्हाला जगवील, पण कलेशी जमलेली मैत्री तुम्ही का जगायचं हे सांगून जाईल.
- पु. ल.”
― Purushottam Laxman Deshpande

“कुणीसं म्हटलयं - कसा मी ? कसा मी ? कसा मी ? कसा मी ? जसा मी तसा मी असा मी असामी!... खर सांगू का? हे कुणीसं वगैरे म्हटलेलं नाही. मीच म्हटलयं. पण कुणीसं म्हटलयं अस म्हटल्याशिवाय तुम्हीही कान टवकारून काय म्हटलयं ते ऐक्लं नसत. हे असच आहे. जगात काय म्हटलयं यापेक्षा कुणी म्हटलयं यालाच अधिक महत्व आहे हे मला कळून चुकलंय.”
― Pu. La. Deshpande

“जुन्यात आपण रंगतो... स्मृतीची पाने उलटायला बोटांना डोळ्यातलं पाणी लागते. मग त्या स्मृती सुखाच्या असोत वा दु:खाच्या!”
― P.L. Deshpande, अपूर्वाई [Apurvai]

“शेवटी संस्कृती म्हणजे बाजरीची भाकरी... वांग्याचे भरीत...गणपतीबाप्पा मोरया ची मुक्त आरोळी. केळीच्या पानातली भाताची मूद आणि त्यावरचे वरण. उघड्या पायांनी तुडवलेला पंचगंगेचा काठ...मारूतीच्या देवळात एका दमात फोडलेल्या नारळातले उडालेले पाणी...दुस-याचा पाय चूकुन लागल्यावर देखील आपण प्रथम केलेला नमस्कार...दिव्या दिव्यादिपत्कार...आजीने सांगितलेल्या भुतांच्या गोष्टी... मारुतीची न जळणारी आणि वाटेल तेव्हा लहानमोठी होणारी शेपटी...दस-याला वाटायची आपट्याची पाने...पंढरपुरचे धुळ आणि अबिर यांच्या समप्रमाणात मिसळून खाल्लेले डाळे आणि साखरफुटाणे...सिंहगडावर भरुन आलेली छाती आणि दिवंगत आप्त्यांच्या मुठभर अस्थींचा गंगार्पणाच्या वेळी झालेला स्पर्श...कुंभाराच्या चाकावर फिरणा-या गोळ्याला त्याचे पाण्याने भिजलेले नाजुक हात लागून घाटादार मडके घडावे तसा ह्या अद्रूश्य पण भावनेने भिजलेल्या हांतानी हा पिंड घडत असतो.कुणाला देशी मडक्याचा आकार येतो.कुणाला विदेशी कपबशीचा...”
― P.L. Deshpande

“प्रोब्लेम्स नसतात कोणाला? ते शेवटपर्यंत असतात. पण प्रत्येक प्रोब्लेमला उत्तर असतंच.
ते सोडवायला कधी वेळ हवा असतो, कधी पैसा तर कधी माणसं. या तिन्ही गोष्टीपलीकडला प्रोब्लेम अस्तित्वातच नसतो.”
― P.L. Deshpande

“खरं तर सगळे कागद सारखेच…
त्याला अहंकार चिकटला की त्याचे सर्टिफिकेट होते.”
― P.L. Deshpande, अपूर्वाई [Apurvai]

“रातराणीचा सुगंध पलंगावर लोळता लोळता उपभोगू शकतो. पण तुळस वृंदावनातच राहते. तिच्यापुढे आपल्यालाच उभं राहावं लागतं.”
― P.L. Deshpande

“गांधीजींचे हे लौकिकत्व अलौकिक होते म्हणून त्यांचे अनुयायी त्यांच्यासोबत पुढारी आणि अनुयायी म्हणून न चालता कुटुंबीय म्हणून चालले. ते महात्माजी होतेच पण त्याहूनही अधिक ते बापू होते.”
― P.L. Deshpande, एक शून्य मी [Ek Shunya Mee]

“हल्लीची पिढी बिघडलेली आहे असं म्हणणाऱ्यांना ही बाप म्हणून आपणच वाढवलेली पिढी आहे याचा विसर पडलेला दिसतो.”
― P.L. Deshpande, एक शून्य मी [Ek Shunya Mee]

“सृष्टी सौंदर्य हे दाखवून दाखवता येते थोडेच! विशेषतः निसर्गाची शोभा ही अचानक धनलाभासारखी प्राप्त झाली पाहिजे. सूर्योदय पाहण्यासाठी मुद्दाम पहाटे उठल्यासारखा दुसरा अरसिकपणा नाही. गच्चीवर गप्पागोष्टी रंगाव्यात आणि चुकून ती पौर्णिमेची रात्र निघावी यात खरी मजा आहे. एरवी तो कोजागिरीचा केवळ अटीव आणि आखीव दुग्धपनाचा कार्यक्रम होतो!”
― P.L. Deshpande, पूर्वरंग [Purvarang]

“धारातीर्थी देह ठेवायलाही फार मोठं भाग्य लागतं.”
― P.L. Deshpande, एक शून्य मी [Ek Shunya Mee]

“आमच्या मराठी मातीत पायाला बोचणारे खडे कमी नाहीत. त्या मातीची सवय नसलेल्या पायांना ते बोचतात. पण या मातीची एकदा ओळख झाली की तिची चटक लागते. आणि म्हणून मराठी माणसाची अन्नप्रांतियांशी जेव्हा दोस्ती होते त्यावेळी त्या गाठी फार घट्ट बसतात.”
― P.L. Deshpande, एक शून्य मी [Ek Shunya Mee]

“अश्रू आणि हास्य हे माणसांना जोडणारे केवढे बळकट दुवे आहेत.”
― P.L. Deshpande, एक शून्य मी [Ek Shunya Mee]

“एखाद्या माणसाची आणि आपली वेव्हलेंथ का जमावी आणि एखाद्याची का जमू नये त्याला काही उत्तर नाही.

पंधरा-पंधरा वीस-वीस वर्षांच्या परिचयाची माणसे असतात पण शिष्टाचाराची घडी थोडीशी मोडण्यापलीकडे त्यांचा आपला संबंध जातच नाही. त्यांच्या घरी जाणे होते भेटणे बोलणे होते पण भेटी झाल्या तरी मनाच्या गाठी पडत नाहीत आणि काही माणसे एक क्षणभरात जन्मजन्मांचे नाते असल्यासारखी दुवा साधून जातात. वागण्यातला बेतशुद्धपणा क्षणात नष्ट होतो.

तिथे स्थलभिन्नत्व आड येत नाही. पूर्वसंस्कार, भाषा, चवी, आवडीनिवडी कशाचाही आधार लागत नाही.

सूत जमून जाते.
गाठी पक्क्या बसतात.”
― P.L. Deshpande, गणगोत [Ganagot]

“अनोळखी माणसाचे हास्य ही परदेशात लाखमोलाची गोष्ट असते.”
― P.L. Deshpande, पूर्वरंग [Purvarang]