Shereen Magdy

“الصورة قصادك ممدودة...
و مش محدودة...
بالطول و العرض...
و البرواز ضلعه الفوقاني...
ف السما....
و التاني مساوي الأرض...
و بما إنك حيلتك بس عينين...
ف قصادك حل من الإتنين...
يا تقرّب جامد م الصورة...
و تاخدلك كادر تركز فيه...
و تعيش حكاويه...
و ساعتها مفيش..
و لا كادر يعيش...
و يكونله لزوم...
غير كادر الزووم...
أصغر تفصيل ف الصورة يبان...
ريحة الدنيا و طعم الأحداث...
الفرق ف تدريج الألوان...
شكل التجاعيد ف وشوش الناس...
ف تعيش مستمتع بالتفاصيل...
الجهل... جميل...
بيقربلك سقف النشوة...
و الحزن كمان...

أما لو اخترت إنك تبعد...
و تشوف المنظر من برة...
حتغطي عينيك كادرات أكبر...
و حاجات أكتر...
لكن أحجامها بقت أصغر...
م الأول ميت مليون مرة...
تكتشف إنك...
مبقتش في حاجة تأثر فيك...
و لا بتبكيك...
مبقتش بتزعل تقريباً...
و الدنيا بقت أبيض فاقع...
و إن انت بقيت إنسان ساقع...
مبقيتش بتضحك بالساهل...
و لا حاجة ف نظرك تستاهل...
تتمنى ساعتها تعود جاهل...
ف تلاقي الزووم...
كان رايح بس...
و لجل النحس...
مفيش راجع.”
― مصطفى إبراهيم, ويسترن يونيون فرع الهرم

“لسه صوت رصاص خرطوش
بيخليني أهب أقوم أشوف فينك
و في نوع غاز ماعرفهوش
لكن فاكراه .. إكمنه أذي عينك
تخيل يا حبيب صباي
لسه ريحته بتجيني
و ساعات معرفش إزاي
باحس إنه واجع عيني

و لسه الهتاف بالنسبة لي غنوتنا
و الشيل على الكتأف .. لسه في نظري زفتنا
ماتقول لي يا حبيب صباي .. هو إحنا كبرنا
ولا الحلم موتنا
هو إحنا بعدنا من اليأس
ولا البلد قصدت تيجي علينا .. تحبطنا !!”
― فاطمة عبد المنعم علي

“يا خالد إن الله مع المحزونين”
― رضوى عاشور, ثلاثية غرناطة

“بدون سبب واضح

بدون م أعرف سبب واضح
عشان أزعل
أنا زعلان
و فجأة بدون سبب برضه
يفرحنى
بكون فرحان
لا منى عرفت أعمل إيه
عشان مزعلش من تانى
و لا منى
عرفت إزاى
أدوق الفرحة بالمجان”
― مصطفى إبراهيم, ويسترن يونيون فرع الهرم