رحيق حِجو > Recent Status Updates

قرأت 200 صفحة لحد دلوقتي، وحاسة بتطويل ولسه مفيش أي أحداث مشوقة في ال3 خطوط (هشام + أسعد + ال3 باحثين)
🌚

لقيت اسم (يحيى المصري)، وبأقول مش هو ده اللي كان في المسافر صفر، هو؟ لا، مش هو.. لا، هو!
تقريبًا تحدي أبجد نسى الواحد اللي قرأه قبله🙄
فرجعت عشان أتأكد، ولقيته هو، ومتحمسة جدًا!

حتى البحر كالبشر ليس له لون ثابت!!

في جماعة يهود أرثوذكس اسمهم (الناطوري كارتا أو حراس المدينة) شايفين الصهاينة برؤية صحيحة
==
=بمعني إنه الصهاينة دول شوية شياطين، وإن صهينة اليهودية ومحاولة إقامة دولة لهم ده تلاعب بدينهم وتطويع للعقيدة اليهودية عشان تناسب وتخدم على العلمانية الصهيونية (تطويع الدين لأغراض سياسية)

وبالتالي في يوم عيد استقلال اسفوخسرائيل (قصدي اغتصاب فلسطين) بيعتبروه يوم حداد وبيصوموا فيه وبيحرقوا العلم القذر!

معنى صهيون في السياق الديني هي أن يحب اليهودي أرض الميعاد ولا يستولى عليها، بل ولا يعود إليها إلا في آخر الأيام بأمر إلهي!

ولكن الصهاينة استولوا على المصطلحات الدينية ثم استخدموها في تجنيد يهود شرق أوروبا.. فصهيون بالنسبة للصهاينة لم تكن أرض ذات قداسة خاصة، وإنما كانت مجرد أرض ينقل إليها اليهود لأسباب مادية!
====

أول مرة أعرف معنى لفظة صهيون دي ايه
بس واضح إن حكام أوروبا كانوا بيعشقوا اليهود من زمان

إذا كان هرتزل هو ماركس الصهيونية أي منظِّرها..
فإن هتلر هو لينين الصهيونية أي من وضعها قيد التنفيذ

======
= بمعنى إن هرتزل مؤسس الصهيونية ده بس كأنه عمل نظرية وجاء هتلر باللي عمله في اليهود خلاهم يخافوا ويهاجروا فبالتالي نتج عن ده التنفيذ لنظرية الصهيونية واستيطان فلسطين
(مش شوق لأرض الميعاد ولا حاجة)

إلهي يجحمك يا هتلر أنت وهرتزل والصهاينة كلهم!

بيقولك إن فيه نوعين من الصهيونىية..
صىهيونية مستوطنة ودول الخنازير اللي استطونوا فلسطين
وصىهيونية متوطنة ودول الكلاب اللي بيمدوهم بالفلوس والماديات وعايشين برا في الغرب أو بمعنى اخر يهودي بيدفع فلوس ليهودي ثاني عشان يبعتوا يهودي تالت لأرض الميعاد!

تقريبا نسي يحكي عن النوع التالت من الصىهاينة العرب خدامينهم اللي حاطين إيدهم في تلاجة ربنا يجعلنا نشوف نهايتهم التلاتة مذلولين عاجلا غير آجل

هناك شيء ما يحدث في هذا العالم على الدوام، هناك كائن ما يموت وآخر يولد، هناك فراق ولقاء في الوقت نفسه تقريبًا!
يعني ذلك أنه يستحيل علينا أن نحزن إلى الأبد!

ما بال هذا الرجل يتحدث بهذا الوجد والحب عن إلهه، وهو القادر على سحقه وعذابه؟!

-أما تخشى إلهك؟

أخشاه.. خشية العبد أن يعصي سيده
وأخشاه.. خشية المحب أن يُغضِّب حبيبه.. 💚

كتاب (التعافي من تجارب الطفولة السيئة).
.
الكتاب بادئ ب "إن الحياة ليست سهلة، ولن تكون كذلك"

عشان كده كل أب وكل أم المفروض يكونوا الجزء الحنين اللي بيهون الدنيا على عياله، مش الشخص المؤذي في حياتهم!
فتيجي العيال تغلط.. وطبيعي إنهم يغلطوا عشان ده دليل على نموهم
وأي إنسان طبيعي بيغلط وبيتعلم بعد كده
المهم تيجي العيال تغلط.. فيروح للشخص اللي عارف إنه هيسمعه ويفهمه ويوجهه للصح بدون أذى بدون تبكيت!
.. فيطمن ..

يمكن للإنسان خلق أي شيء..
إلا الحياة!

مش قادرة أكملها..
مملة؟ يمكن
أحداثها بطيئة
واحد من المستقبل مراحش شغله يوم فالدنيا كلها قامت ومقعدتش عشان سيادته 🙄

رواية عجيبة لحد دلوقتي

وكأنما أصبح قلب الحقائق فصاحة، والتزوير بلاغة يتباهى بها صاحبها
أين زمان الحياء؟

الكتاب تم نشره سنة 1989
بيقول ايه بقا في إحدى المقالات..
(وهل ترون عصر شبهات أكثر من عصرنا هذا الذي يموج بالفتن كقطع الليل المظلم؟)
أومال لو عاش لحد زمننا ده!

رقة..

لكن (جيريمياه) يؤمن أن كل شيء محدد سلفًا
حتى لحظات ضعفنا..